Ошто изделип жаткан адамдын өлүмүнө шектелип, эки жаран кармалды. Алардын бири аскер кызматкери

Маркум Алишер Тажибаев. Ош облустук ички иштер башкармалыгынын маалыматына караганда, 1992-жылы туулган Алишер Тажибаев ушул жылдын 5-августунда үйүнөн Лексус ИС 200 үлгүсүндөгү унаасын айдап чыгып кеткен боюнча дайынсыз делип изделип жаткан. 11-август күнү анын жансыз денеси Ноокат районунун Ак-Терек айылындагы Кескен-Бел тилкесинен табылган.

"Маркумдун киши колдуу болуп өлгөнү аныкталып, кылмыш иши козголгон. Анын негизинде кылмышка шектүү катары 1995-жылы туулган А.Р. (Балыкчы шаарынын тургуну) жана 1996-жылы туулган К.Т. (Талас облусунун тургуну) кармалган. Шектүү А.Рнын айтымында, 29-июль күнү Ошко мурда аскерде чогуу кызмат өтөгөн досторуна жолугуу үчүн барып, акча керек болуп калган. Анан досу К.Т. менен унаа уурдап, аны сатуу менен акча табуу тууралуу келишип, 5-августта Анар кичи районуна барышкан. Ал жакта Алишер Тажибаевдин унаасына түшүп, Араван районуна жеткирип коюшун суранышкан. Жолдо айдоочуну муунтуп өлтүрүшүп, талаага таштап салышкан. Маркумдун унаасы менен Бишкекке келишип, унааны сатуу аракетин көрүшкөн. Бирок иш оңунан чыкпаган соң унааны "Дордой" базары жактагы бактардын арасына таштап кетишкен. 12-август күнү кайра Ошко келишкен", - деп билдирди Ош ОИИБинин басма сөз катчысы Жеңиш Ашырбаев.

Жеңиш Ашырбаевдин айтымында, кылмышка шектүүлөрдүн бири К.Т. Оштогу аскер бөлүктөрүнүн биринде келишимдик негизде кызмат өтөп жүргөн. Ал эми шектүү А.Р. мурда ошол эле аскер бөлүктө кызмат өтөп кеткен.

"Кылмыштын бети 14-августта ачылып, шектүүлөр ошол эле күнү кармалды. Учурда алар убактылуу кармоочу жайда. Бири Ошко кызмат ордуна кайтып келсе, экинчиси эмне себептен Ошко келгени белгисиз болууда", - деди Ашырбаев.

Автор: Бекжан Рыскулов
Фото: Ош ОИИБ

12:27 15-08-2017

Жазылуу

РУБРИКАДАГЫ СОҢКУ КАБАРЛАР

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 41 0

11:47 2025-06-20 | Түркүн дүйнө

Израил Тегеранга жана Рештка сокку урду 244 0

11:32 2025-06-20 | Кылмыштар, кырсыктар

ӨКМ: Өлкөдө бир суткада 42 өрт кырсыгы катталды 94 0

11:29 2025-06-20 | Коом жана турмуш

Мэрдин таңкы кыдыруусу... Айкел менен кичи аренанын курулушу текшерилди 274 0

11:29 2025-06-20 | Супер-Инфо

Алдыга койгон максат кыял бойдон калбашы керек 57 0

11:27 2025-06-20 | Түркүн дүйнө

Норвегиянын Израилдеги элчисинин резиденциясына граната ыргытылды 217 0

Архив

Комментарийлер (3)

Gulum91

2017-08-15 13:38:06

Бейкуноо жок жерден олуп кете берди.А берки эки ХХХХ омур боюга кесиш керек мыкаачылар бугун ушундай ищ кылышты эртенда кылышат колдорунан жакшылык келбейт.

admin_superstan

2017-08-15 15:06:38

Gulum91, этика нормаларын сактаңыз.

samat

2017-08-22 01:47:01

admin_superstan,ачык туура соз тууганына жакбайт!
Жогорудагы кыз туура жазган! Адам олтургон адамдын колунан жакшылык келбейт эч качан! Андай адамдар омур бойю этинен ажыраганга татыктуу!андай адамдар турмодо чирисин!!!

Комментарий калтыруу үчүн өз ысымыңыз менен кириңиз же каттоодон өтүңүз.