Бишкекте 26 жаштагы келин эгиз төрөп каза болду. Жаӊы төрөгөн энени дарыгерлер карабай койгону айтылууда

Кечээ, 28-август күнү 26 жаштагы Мээрим Дайырбекова аттуу Чүй облусундагы Беловодск айылынын тургуну Бишкектеги №4-төрөт үйүндө эгиз уулдарды жарыкка алып келип, өзү каза болуп калды. Өзүн маркумдун сиӊдисимин деп тааныштырган Сезим Дайырбекова SUPER.KG'ге эжесинин каза болуп калышына дарыгерлердин кайдыгер мамилеси себеп болгонун айтууда. Анын пикиринде, Мээрим төрөгөндөн кийин бир күн бою кароосуз калган.

"Эжем "түнү менен ичим ооруп чыкты, балдар кыймылдабай жатат" деп тынчсыздангандыктан 27-август күнү эртең менен "Тез жардам" кызматы аркылуу №4-төрөт үйүнө алып барылган. Мурунку баласын да ошол төрөт үйүнөн кыйналып төрөгөн. Бирок ага карабай эгиз балдар болгондуктан ал жактын вакууму жакшы деп айла жок барган эле. Саат 10:30да эгиз уулдарды жарыкка алып келди. Бирок ошол күнү кечке кан басымы көтөрүлүп кыйналды. Ким билет, мүмкүн ичинде калган канды тазалабай же тон калып калган. Ооруган учурда дарыгерлерге айтса маани бербей коюшуптур.

28-августта эртең менен "аябай кыйналып жатам" дегенинен апам барган. Барса шайы кетип, баса албай калыптыр. Апам айткандан кийин операцияга алып киришип 5-6 саат дегенде чыгарышты. Ал ортодо чогулуш кылышыптыр. Ичин ачып алып эмне кылабыз деп отуруштубу, ким билет? Бирок наркозу тарабай жаткан. Анан дарыгерлер "кан алып келгиле" деп айтышканынан кан алып барып куйдурдук. Тилекке каршы, натыйжа болбой жатты.

Кечинде апам эжемдин бетин караса шишип, көгөрүп бараткан экен. Андан кийин түнкү саат 11:30да дарыгерлер келип 10-15 мүнөт жасалма дем алдырууга аракет кылышыптыр. Ага да болбой эжем каза болуп калды. Дарыгерлер убагында карап койсо өлбөй калмак", - деп мукактанды сиңдиси Сезим.

Сезим эгиз балдардын абалы жакшы экенин, алар учурда вакуумда дарыгерлердин көзөмөлүндө жатканын кошумчалады. "Вакуумда жатышат, абалдары жакшы эле. Бирок бул экөөнөн сырткары эжемдин артында дагы бир 3 жаштагы уулу калды. Бул окуяны элге жеткирбей койсок деле болмок. Бирок эртең дагы башкалардын төрөттөн өлүп калышын каалабай айтып чыктык", - деди Сезим.

Бүгүн Мээрим Дайырбекованын өлүмүнүн себебин иликтөө үчүн комиссия түзүлгөнүн Саламаттыкты сактоо министрлигинин маалымат катчысы Жылдыз Айгерчинова билдирди. Анын айтымында, дарыгерлер күнөөлүүбү же жокпу, комиссиянын корутундусунан кийин белгилүү болот.

"28-август күнү түнкү саат 12ге жакын төрөттөн бир келин каза болгону боюнча факты катталды. Учурда комиссия түзүлүп, төрөткө тийиштүү бардык материалдарды карап жатышат. Дарыгерлер күнөөлүүбү же келиндин өзүнүн ден соолугунан улам болдубу, комиссиянын жыйынтыгында белгилүү болот. Ага чейин эч нерсе айта албайбыз", - деди Айгерчинова.

Автор: Жамалидин Парманкулов

18:12 29-08-2017

Жазылуу

РУБРИКАДАГЫ СОҢКУ КАБАРЛАР

23:40 2025-06-24 | Түркүн дүйнө

Дональд Трамп "Нобелдин" тынчтык сыйлыгына көрсөтүлдү 562 0

22:46 2025-06-24 | Коом жана турмуш

25-июнга карата аба ырайы 364 0

22:18 2025-06-24 | Түркүн дүйнө

АКШ Конгрессинин кызматкерлерине WhatsApp тиркемесин колдонууга тыюу салынды 387 0

21:23 2025-06-24 | Түркүн дүйнө

Кытай интернет колдонуучулар үчүн мамлекеттик санарип ID киргизүүдө 383 0

20:55 2025-06-24 | Коом жана турмуш

Блог: Мен көргөн Анталья: күн, деңиз, тарых жана сезимдер 746 0

20:37 2025-06-24 | Саясат

УКМК Токмок шаарынын мэри эмнеге кармалганын айтты 2428 0

Архив

Комментарийлер (28)

daak9191

2017-08-29 18:49:24

Карабайт булар аркасынан эрчитип жалдыратат ошону чондор караса

+16

Ayida

2017-08-29 18:54:35

Акча берген мени карабай бир келип сурабай койгон врач.Бироо келип бир текшерип койду ичими басып болду.5000 мин сом+жардамчыларына 1500 бергенбиз

Ayida

2017-08-29 18:55:11

Акчага деле карабайт азыр баары бош болуп калды иштерине так болбой.

Ayida

2017-08-29 18:56:30

Мен аман эсен торогонумо суйунуп эле жатып калганмын.Башка балдарымын бешенесине бар болойун деп атып

Nargiza1987k

2017-08-29 19:11:30

Дагы бир олумбу жаш боюнча кеттиптирда байкуш балдарынын шооруда эми

Bountessa

2017-08-29 19:31:24

Мен 2 баламы ушул роддомдо торогом. Аябай жакшы карашкан,бир тыйын акча берген эмесмин. Торогондон кийин ыраазычылык деп врач мн акушерге жолдошум 500 сомдон берген. Тяжёлыйлар коп барган учун олум коп болсо керек

Sezim.A

2017-08-29 19:33:16

Мен да 15 август куну тородум Жаратканга шугур эсен аман тородум.Мени да канын аз эгер бир нерсе болсом доом жок деп жазып бересин деп жатып торотушту.Ажал да наристелеринин дуйного келишин чыдамсыздык менен кутуп бирок ошол жакшы ниетине жетпей озу кете бергени окунучтуу.Периштелеринин жытын жыттай албай жаш кетти.Жайы жаннатта болуп ,артында калган балдарын Жараткан озу колдосун айла жоок.

Hadyja

2017-08-29 19:33:44

Кудайым Бейиштик Кылсын!Куноолуу эмеспиз деп,бирок куноолору бар болсо дарыгерлердин,билбейм,журоктору кантээр экен.
Менин шалаакылыгымдын айынан эки жаны ысыркай,3-жаштагы бала жетим калды деген ички сезим мн жашаган деле оор жаза болуш керек.
Билим алып,иштеп аткандан кийин ишине куйумдуу болуш керек да.

Mr.enriiko

2017-08-29 19:59:26

Ушу тороткананы жакшылап текшерип жумушчуларын гонят этип коюшпайбы дайым суук кабар

+12

Yktyjar

2017-08-29 20:47:56

Аттин жаман иш болуптур жайы жаннаттан болсун жакындарына сабыр берсин аллахым. Азыр бийлик бир колго топтолгон убагы эч кимден коркпой каалаган калчап жатышат сдпк нын бийлигин туп тамыры менен алмаштыруу керек бул менин жеке ойум.

Adil706070

2017-08-29 22:26:57

Негизи ушул 4-торотканада ушуга окшогон окуялар коп катталат.
Бийлик буга коз жумбай текшериши шарт.
Тороткананын ичине камераларды орнотуу зарыл тез арада антпесе мындай окуялар азайбайт

TIMON_BERKOWITZ

2017-08-29 23:07:29

Врачтар ким акча берсе ошону карашат. Акчаң жок болсо өлүп кете бер. Ооруду десең чыда деп коёт. Эптеп кыйналып төрөгөн келинден анан акча талап кыла башташат, сүйүнчүсү кана деп. Кудум врач төрөп, келиндер сүйүнчү берчүдөй.
Кыргыздар бүт баарыбыз акчанын кулу болуп калдык. Милициясыбы, врачыбы, бийлигиби.. Коррупция эбегейсиз! Кызыгы жаш врачтар коррупцияга барышпайт экен. Көңүлдөн чыгарып берсең алат, бербесең картаңдарга окшоп келе дебейт. Бул аялымдын бир жума мурун башынан өткөн окуя

Pantherka

2017-08-30 01:01:34

Акча берип кутулуп кетишет. Болбосо канча өлүм болду толк чыкмак да

vangolu

2017-08-30 01:36:29

мен аман эсен торогом 4 род домдо.аябай жакшы караган.акча берген эмесмин.эч ким акча сураган эмес менден.14 кун жаттым.баары жакшы.ыраазымын даарыгерлерге

Aikan1966

2017-08-30 11:10:52

Жайи жаннатан болсун,эч ким куноолу эмес.бул тагдырдын буйругу.

Комментарий калтыруу үчүн өз ысымыңыз менен кириңиз же каттоодон өтүңүз.