Таза шайлоого чакырган активисттер Бишкектеги университеттерди кыдырышты, бирок ректорлор менен жолуга алышкан жок (фото)

Бүгүн, 22-сентябрда активисттер жаштарды таза шайлоого чакырган жүрүш өткөрүштү. Алар Бишкектеги жогорку окуу жайларды кыдырышты.

Уюштуруучулар иш-чаранын максаты үгүт иштеринде административдик ресурстун колдонулушуна бөгөт коюу экенин айтышты. "Биз, жаштар, студенттер, активисттер Бишкектеги ЖОЖдордун жетекчилерине кайрылуу жолдойбуз. Анда студенттерди окуу жайлардын жетекчилерин таза шайлоого чакырабыз. Анда административдик ресурсту колдонбоо жана активисттерге түшүндүрүү иштерин жүргүзүүгө шарт түзүп берүү өтүнүчү бар", - деди уюштуруучулардын бири Ренат Самудинов.

Алгач жүрүш Бишкек гуманитардык университетинен башталды. БГУнун проректору Учкун Байсубанов жаштардын кайрылуусун алып, жакынкы күндөрдө окуу жай тарабынан жооп берилерин айтты. "Азыр ректор жок. Ал келгенден кийин сиздердин кайрылууңуздарды карап чыгып жооп беребиз. Азыр окуу процесси жүрүп жатат", - деди Байсубанов.

Андан соң активисттер Кыргыз мамлекеттик техникалык университетине жөнөштү, бирок ал жерде ректор менен жолуга алышпады. Аларга проректор Алтымыш Бекбоев чыгып: "Биздин окуу жайда студенттердин арасында үгүт иштерин жүргүзүү болгон жок. Эгер студенттер менен сүйлөшүүнү кааласаңыздар, алардын баары ушул жерде, окуудан тышкары убакта сүйлөшсөңөр болот. Азыр кайрылууңуздарды калтырып кетиңиздер, биз сөзсүз жооп беребиз", - деп жүрүштүн катышуучуларына кайрылды.

Автор: Мунарбек Жоргомов
Фото: Мунарбек Жоргомов

13:50 22-09-2017

Жазылуу

РУБРИКАДАГЫ СОҢКУ КАБАРЛАР

13:50 2025-07-15 | Коом жана турмуш

Чолпон-Ата шаарындагы көңүл ачуучу жайлар текшерилди 68 0

13:48 2025-07-15 | Коом жана турмуш

Ош шаарынын көчөлөрүнүн кеңейтилген эскиздик долбоору (видео) 163 0

13:17 2025-07-15 | Коом жана турмуш

Сары-Булак – Арчалы – Оруктам унаа жолу асфальтталат 163 0

12:59 2025-07-15 | Түркүн дүйнө

Орусияда чагылган түшүп үч адам каза болду 313 0

12:21 2025-07-15 | Кылмыштар, кырсыктар

Таласта кымбат жер тилкеси арзан сатылып кеткени аныкталып, эки адам кармалды 271 0

11:57 2025-07-15 | Кылмыштар, кырсыктар

Таласта дарыгер операция кылганы үчүн акча талап кылууга шектелип кармалды 639 0

Архив

Комментарийлер (11)

Patriot7

2017-09-22 14:03:01

Ректорлор оттоп кетишсе керек да жайылып.....

Liliia

2017-09-22 14:21:31

бизде ошто домком, кварталныйлар нагло эле Жээнбековду шайлабасаңар иштен айдаласыңар, суу мусорго 7-8адам деп жазып коём деп үгүт иштерин жүргүзүп атат

+12

Patriot7

2017-09-22 14:31:53

Liliia, ошолорду жашыруун видеого тартып интернетке жуктой бергиле!!! Шайлоодо болсо оз журогунор айткан адамга добуш бергиле! Домком болобу, башкасы болобу колунан эч нерсе келбейт... Чектен чыкса топтолуп иштен алып коесунар домкомду!!!

+13

Patriot7

2017-09-22 14:34:33

Окуу жай жетекчилери Кудайды карап калп айтып журушсо боло?!!

Azatbek83

2017-09-22 14:40:33

Биздин келечектеги президент. А.К.Мадумаров.

+14

afina66

2017-09-22 14:46:00

Менин тушумдогу президент деп койбопсун

-11

kokboru

2017-09-22 15:20:08

Досум өзгөндө милиция болуп иштейт,аларды да Жээнбековду шайлагыла деп жатыптыр

Alina1984

2017-09-22 15:37:43

Мен казактардын кафесинде иштейм ал дагы бугун паспортторду бергиле деп журот Жээнбековду шайлайт имишпиз

Patriot7

2017-09-22 16:21:11

Урматтуу эл-журт, студенттер, мугалим, врач ж.б.

Бийлик силерди айласы кетип алдоого, коркутууга отту!!! Силердин паспорт копиянарды алса, андан эч нерсе озгорбойт. Бул болгону силерди коркутуу, кондуруу максатында жасалып жатат... Жээнбековду шайлабасанар жумуштан кетесинер, окуудан айдаласынар деп калп эле опузалап жатышат. Эгер шайлоодон кийин кайсы бир жетекчи силерди шайлоодо Жээнбековду колдобогонунар учун иштен алганы билинсе, оздору креслосунан "учат". Алданбагыла!

Patriot7

2017-09-22 16:28:14

Эгер бийлик болобу же Бабановдун угутчулору болобу паспорт копиянарды алып "шайлоодо паланчага гана добуш бере аласын" деп коркутса же алдаса, коркпогула, ишенбегиле!!!

Шайлоодо силер каалаган талапкерге добуш бере аласынар жана кимге добуш бергенинер белгисиз бойдон калат... Анткени электрондук урна добуш кимге берилгенин гана санайт, ким добуш бергенин санай албайт!

Анан калса бийликтен эмес, Кудайдан гана корккула, добушунарды акчага сатып арам акчага алданбагыла!

Ferdews

2017-09-22 22:27:04

Патриот ушу чыныгы патриот да!!!

Комментарий калтыруу үчүн өз ысымыңыз менен кириңиз же каттоодон өтүңүз.