БШК президенттикке талапкер Өмүрбек Бабановго үчүнчү ирет эскертүү берүү чечимин кабыл алды

Бүгүн, 10-октябрда Борбордук шайлоо комиссиясы президенттикке талапкер Өмүрбек Бабанов улуттар аралык кастыкты козутту делген маселени карап чыгышты. Анда жумушчу топ талапкерге эскертүү берүүнү сунуштаган.

Бул боюнча арыз жазган мурдагы акыйкатчы Турсунбек Акун жана активист Алга Кылычев эскертүү берүүгө макул эместигин айтышып, талапкерди президенттик жарыштан четтетүүнү сунуш кылышты. Ошондой эле алар укук коргоо органдары баа берүүсү керек экенин билдиришти.

БШКнын мүчөсү Гүлнара Журабаева видео монтаждалганы көрүнүп турганын айтты. “Монтаждалган видеону көргөндө улуттар аралык кастыкты козуткандай көрүнөт. Бирок монтаждалбаган толук видеодо андай эмес”, - деди ал.

БШКнын мүчөсү Назарали Арипов президенттик шайлоонун бүтүшүнө бир жума калганын эскертти. “БШКнын максаты бардык талапкерге тең шарт түзүп берүү. Ошондуктан видеого УКМК баа бергенден кийин бул маселе боюнча чечим кабыл алсак. Бүгүн күн тартибинен алып салалы”, - деди ал.

Комиссиянын төрайымы Нуржан Шайлдабекова жумушчу топтун чечимине кошула турганын билдирди. Ал мыйзам бузулганын кошумчалады.

Жыйынтыгында жумушчу топтун сунушу добушка коюлду. Сунушка 8 мүчө макул деп, 4 мүчө каршы деп добуш беришти.

Эске салсак, кечээ, 9-октябрда Борбордук шайлоо комиссиясынын жумушчу тобу президенттикке талапкер Өмүрбек Бабанов улуттар аралык кастыкты козутту деген маселени караган. Анда жумушчу топтун өкүлдөрү Бабановго эскертүү берүү боюнча добушка койгон. Жыйынтыгында 6 мүчө Бабановго эскертүү берүү сунушун колдогон. Ал эми төртөө каршы добуш берген болчу.

17:54 10-10-2017

Автор: Жылдыз Джускембаева

Жазылуу

РУБРИКАДАГЫ СОҢКУ КАБАРЛАР

19:51 2024-05-03 | Элдик кабар

"Avia Traffic" компаниясынын учагы 2 сааттан бери кармалууда 90 0

19:49 2024-05-03 | Коом жана турмуш

Камчыбек Ташиев: "Баңгизаттардын клубдарга кирүүсүнө, ал жакта сатылуусуна жол бербегиле" 61 0

19:17 2024-05-03 | Коом жана турмуш

Эмгек министрлигинин кызматкерлери Сузакта кырсыктаган балдарга жардам көрсөтүшүүдө 121 0

19:05 2024-05-03 | Саясат

Ташкентте кыргыз-өзбек өкмөттөр аралык жыйын болуп өттү 99 0

18:41 2024-05-03 | Коом жана турмуш

Караколдо мүрзөдө иштеген аксакал эсиңиздеби? Президенттин уулу анын үйүн оңдоп берип, унаа белек кылды 871 0

18:36 2024-05-03 | Коом жана турмуш

Сузактагы кырсыкты иликтөө үчүн атайын комиссия түзүлдү 234 0

Архив

Комментарийлер (5)

adilbars

2017-10-10 18:46:53

Заказ!

Best.bakyt

2017-10-10 18:56:49

Турсунбек Акун деген тынч эле журсочу. Бул озу кылбаган акмакчылык калбады го. Кайсы арына бироонун артынан арызданат.

Aman_Mansurov

2017-10-10 19:07:14

Бабанов ошондо шайлоого катыша алабы же жокпу? Озу канча эскертуу бар?

adjo_krsu

2017-10-10 19:28:48

Сокен тойгузду , мамлекеттик университеттердин биринде окуйм. Бизге ачык эле N:9 ду шайлагыла деп атышат. Омуру корунбогон, жоктобогон куратор бугун биз менен жолугуп Сокени Шайлайсынар деди. Булардын да кетээри алыс эмес. Эгер биз Адахан Мадумаровду шайлап алсак. Булар бизди дагы 6 жылда тышкы карызды 10 млрд га жеткизип, кийин гана кетишет. Ойлон КЫРГЫЗЫМ ! !!!!

mir777

2017-10-10 20:21:07

adjo_krsu,созунун аягын окуп чык. Тушунсом олойун

Комментарий калтыруу үчүн өз ысымыңыз менен кириңиз же каттоодон өтүңүз.