Канатбек Бегалиев: "Билимимди жогорулатып депутат болууга аракет жасайм"

Грек-рим күрөшү боюнча Кыргыз курама командасынын мурдагы башкы машыктыруучусу Канатбек Бегалиев кызматынан кетип, эми депутаттыкка аттанат. Бул тууралуу бүгүн, 29-ноябрда маалымат жыйын учурунда айтты.

Анын айтымында, грек-рим күрөшү боюнча Кыргыз курама командасынын башкы машыктыруучусу кызматына дайындалгандан бери курама командага көп жеңиштерге жетти.

"Мен 2012-жылдын ноябрь айында спортчулардын жана машыктыруучулардын сурануусу боюнча шайлангам. Жаш өспүрүмдөргө өзүмдүн тажрыйбамды жана ыкмаларымды үйрөттүм. 2012-жылдан бери грек-рим күрөшү боюнча Кыргыз курама командасы менин башкаруумда Азия чемпиондуктарында 4 алтын, 4 күмүш жана 10 коло медаль жеңип алды. Ошондой эле эл аралык мелдештерде да ар түрдүү алдынкы орундарга ээ болгон", - дейт Бегалиев.

Мурдагы башкы машыктыруучу жумуштан өз каалоосу менен кеткенин айтып, келечектеги максаттарын билдирди.

"Мен өз каалоом менен жумуштан кеттим, келечекте илим жана билим алып парламентке барууну көздөп жатам. Ал жакта спорттун көйгөйлөрүн чечейин деген ой-максатым бар. Буга чейин башкы машыктыруучу кызматында иштеп Кыргыз спортуна жакшы салым коштум деп эсептейм. Кыргыз спортун бир аз болсо да алдыга сүйрөдүм деп толук айта алам", - дейт ал.

Маалымдай кетсек, Канатбек Бегалиев 18-октябрда кызматынан бошотулган. Ал бул кызматка 2012-жылы дайындалып, 2017-жылдын январь айында "Токио-2020" Олимпиадасына чейин кайрадан башкы машыктыруучусу кызматына шайланган.

Канатбек Бегалиев буга чейин Кыргыз курамасынын спортчусу болуп, 2008-жылы Пекинде өткөн Олимпиада оюндарында күмүш медаль жеңип алган.

Автор: Нурсултан Нурболот уулу
Фото: Жанар Усенов

15:37 29-11-2017

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (11)

gute

2017-11-29 15:38:43

Туура кыласын азамат. Спорттогу проблемаларды озун жакшы билесин деп ойлойм. Ошолорду чечкенге аракет кылгыла

madrid7000

2017-11-29 15:49:13

Молодец кыялыбыз окшош экен.Мен да депутат болсомбу деп атам.

Isco23

2017-11-29 16:13:13

Ушу жетишпей жаттыле

Alixan-Nookat.2015

2017-11-29 17:29:13

Сен эле калдың эле жөн эле жүрө берчи.

dina

2017-11-29 17:41:56

Жумуш таппай калганда депутат болуш керек окшойт))

taalay25

2017-11-29 17:54:20

Шайлоого коп бар го! Негизи Олимпияда оюндарынын катышуучуларын аткаруу, козомол бийлик бутактарына киргизиш керек. Ошонло гана призер гана болбой баш байгеге жетишип каларыбыз мумкун. Данияр Кобоновду тарбиялап туура пайдаланганда Олимпияда оюндарында алмак. Ото таланттуу спортсмен. Убакыттан уткуруп койдук

Gema

2017-11-29 18:11:00

Ушу сен эле калдын эле айланайын баары эле жулунушат бийлике аман эле болчу

asankulov12

2017-11-29 18:37:12

Айласы кеткендер депутат болуп жатышат. Коро жатарбыз

Tolkun555

2017-11-30 00:09:47

Депутаттыкка билимдин кереги жок.популизимди жакшы билсен эн мыкты депутатсын.депутатта билим болсо.......

nurik838383

2017-11-30 09:37:45

120 кой бир текеге аралашып эмне кыласын баркынды кетирип

Ense1705

2017-12-14 16:54:49

Депутатыкка билимдин кереги жок,кошоматчы болсон болду,кресло сеники

Комментарий калтыруу үчүн өз ысымыңыз менен кириңиз же каттоодон өтүңүз.