Кыргыздын АКШдагы мурунку элчиси: "Мыйзамсыз курал ташууга шектелип кармалган уулумдун окуяга тиешеси жок, эртең бошотулат"

"АКШнын Виргиния штатынын Алегзандрия шаарынан Чеченстанга аткезчилик жол менен курал ташып жүргөн деп шектелип кармалган Теңгиз Сыдыковдун окуяга тиешеси жок, ал эртең убактылуу кармоочу жайдан бошотулат", - деп билдирди бүгүн, 1-мартта SUPER.KG порталына кармалган жарандын апасы, Кыргыздын АКШдагы мурдагы элчиси Замира Сыдыкова.

Анын айтымына караганда, уулуна учурда коомдук жактоочу кызмат көрсөтүүдө.

"1 жыл мурун уулум казакстандык Эльдар Резванов менен батирди ижарага алып, жарым жылдай чогуу жашашкан. Кийин уулум Теңгиз Сыдыков башка батирге көчүп кеткен. 27-февраль күнү Резвановду тартип сакчылары кармап кетишкен экен. Анын абалын суроо максатында уулум ага барганда окуяга катыштыгын тактоо максатында уулумду да кармашыптыр. Коомдук жактоочунун маалыматына ылайык, Теңгиз суракка гана алынып жатат, эртең бошотулат", - дейт мурдагы элчи.

Ал белгилегендей, Теңгиз Сыдыков АКШдагы Виргиния штатынын Алегзандрия шаарындагы окуу жайлардын бирин бүтүргөн.

"Уулум университетти аяктаган соң Жорж Вашингтон атындагы университетте менеджер болуп эмгектенип келген. Акыркы 3 айдан бери ал жеке IT компаниясына которулуп, иштеп жаткан. Буга чейин бир да жолу соттолгон эмес. Бул окуяны АКШнын Орусияга карата жарыялаган санкцияларына байланыштуу деп бааласа да болот", - деп кошумчалады Сыдыкова.

Айта кетсек, буга чейин АКШда жашаган Кыргыз жараны Чеченстанга аткезчилик жол менен курал ташып жүргөн деп шектелип кармалганы кабарланган.

Автор: Айнуска Жороканова
Фото: Теңгиз Сыдыковдун жеке баракчасынан алынды

16:27 01-03-2018

Жазылуу

РУБРИКАДАГЫ СОҢКУ КАБАРЛАР

00:28 2025-06-14 | Коом жана турмуш

Бишкекте мамлекеттик номери жок унаа башкарган айдоочу кармалды 328 0

23:27 2025-06-13 | Коом жана турмуш

"Айылда, шаарда да мүмкүнчүлүктөр бар". Гарвардды аяктаган кыргыз кызы Севара менен маек 839 0

22:28 2025-06-13 | Коом жана турмуш

Бишкектеги жаңыланган «Алга» спорттук комплексинен фоторепортаж 567 0

22:25 2025-06-13 | Кылмыштар, кырсыктар

Кара-Кулжада келиндин өлүмү: Блогер Бауржан Абдумаликов кармалды 1790 0

21:48 2025-06-13 | Коом жана турмуш

Бишкекте «Алга» спорттук комплексинин ачылыш аземи өтүүдө (фото) 607 0

21:16 2025-06-13 | Саясат

Экс-депутат Абдыкапар Султанов дүйнөдөн өттү (некролог) 1621 0

Архив

Комментарийлер (7)

aza84

2018-03-01 16:38:56

Кайдам чоптун башы бекер шыбырабаса керек бардык эле эне оз баласын алтыным дейт бирок сизди газетаны башкарып жургондо кандай башкарганынызды эл жакшы билет

romaantik

2018-03-01 21:42:42

aza84,Билип билбей да куноологон туура эмес. Мумкун чындыгында тиешеси жоктур. Америкада бизге салыштырмалуу мыйзам иштейт. Катыштыгы бар болсо жондон жон эле коюп жибербейт.

-1

Adi.Avazbekov

2018-03-02 13:52:12

romaantik,оа алар жакшы иштейт жондон жон эое кармабайт дагы. Эртеси болду чыккан жок. 20 жылдан кийин чыгат эми

bond02

2018-03-01 16:45:05

эми бул аялдын АКШ менен Россиянын мамилеси жонундо эмне иши бар дейм да.

+10

Azatbek83

2018-03-01 17:56:55

bond02,Оруссия эле эмес баардык СНГ санкция жарыялаган

Дарыгер

2018-03-01 20:27:24

АКШнын санкции келиип келип Бир курал саткан кыргыз жаранына тийтат и да)))) куноосун так далилдери менен камалып ыр го. кундун 2чи супер жанылыгы. 1чиси дайыр исмадиаров болду.

33SUUN

2018-03-01 23:19:08

Дарыгер, жазган создоруно оору тийип калыптыр.Дарылап кой.

Комментарий калтыруу үчүн өз ысымыңыз менен кириңиз же каттоодон өтүңүз.