Социалдык кызматкер: "Сабалган 8 жаштагы кыздын күбөлүгүндө атасынын аты-жөнү көрсөтүлгөн эмес, учурда апасы изделүүдө"

Бишкек шаарында жакындары тарабынан аёосуз сабалган 8 жаштагы кыздын өз энеси учурда изделүүдө. Бул тууралуу SUPER.KG порталына 13-мартта Аламүдүн райондук Социалдык өнүктүрүү башкармалыгынын башчысынын орун басары Тилек Миңбаев билдирди.

Жетекчинин берген маалыматына ылайык, кыздын туулгандыгы тууралуу күбөлүгүндө атасынын аты-жөнү жазылган эмес.

"Сабалган 8 жаштагы кыздын апасы изделүүдө. Биздин маалыматыбыз боюнча анын биологиялык апасы Нарын облусунун Жумгал районунда каттоого турган экен. Ал жакка энеси тууралуу маалымат жиберилип, учурда ал изделип жатат. Эгер апасы негизсиз 2 баласын кароосуз таштап кеткен болсо ал эне укугунан ажыратылат. Сабалган кыздан сырткары 10 жаштагы эркек уулу бар экени аныкталды. Ал эми секелек кызды ур-токмокко алуу фактысы боюнча кылмыш иши козголуп, учурда тергөө иштери жүрүүдө. Өгөй апасы урганын учурда кыз гана айтып жатат. Эгер бул тергөөнүн жыйынтыгында далилденсе, өгөй апасы өзүнүн бир уул жана бир кызын багуу укугунан ажыратылат", - дейт жетекчи.

Жабыркаган кызга учурда Аламүдүн райондук үй-бүлө жана балдарды коргоо мекемесинин кызматкери кам көрүүдө.

"Атасынын туугандары ооруканадагы кызга келип "апам урду дебе, байкем урду деп айт" деп коркутуп жатышканынан оорукананын администрациясынан кызга расмий өкүлдөрдү гана киргизүүнү сурандык. Учурда кызга биздин кызматкер кам көрүүдө. Кыз ооруканадан чыгарылган соң ал жаш балдардын психологунун карамагына алынып, атайын жаш балдардын борборунда тергөө бүткүчө болуп турат", - деп кошумчалады Миңбаев.

Айта кетсек, буга чейин Бишкек шаарында 8 жаштагы кыз жакындары тарабынан аёосуз сабалганын окурман "ЭЛДИК КАБАРга" билдирген. Андан кийин кызды тааныгандардын бири ал отургуч менен сабалганын кошумчалап айтып берген. Кыз "Тез жардам" кызматы менен Бишкек шаарындагы №3-балдар ооруканасына жеткирилген жана ооруканада жалгыз жатканын билдиргенбиз. Учурда аталган факты боюнча кылмыш иш козголду.

Ур-токмокко кабылган секелек: "Чөмүч менен башка койгулайт"

Автор: Айнуска Жороканова

07:32 14-03-2018

Жазылуу

РУБРИКАДАГЫ СОҢКУ КАБАРЛАР

15:40 2025-05-16 | Бизнес-Инфо

Элдик Банктан 3% менен газдаштыруу мүмкүнчүлүгү 11 0

15:12 2025-05-16 | Супер-Инфо

Дофамин модасы: кийим адамды бактылуу кыла алабы? 57 0

15:04 2025-05-16 | Коом жана турмуш

Аптаптуу ысыкта калаадагы көчөлөргө суу чачылууда (видео) 277 0

14:52 2025-05-16 | Коом жана турмуш

“Альпинизм жана айымдар”. Эверестти багындырган алгачкы кыргыз айымы Асел Байбагышева менен маек (видео) 3433 0

14:21 2025-05-16 | Супер-Инфо

Интернетке көз карандылык жана анын зыяны 119 0

13:54 2025-05-16 | Коом жана турмуш

Ак-Буура дарыясына түшүп кеткен баланын сөөгү табылды 599 0

Архив

Комментарийлер (4)

Tatyna9119

2018-03-13 17:01:34

Жакшы болуп кетсин. Эми тергоо иштери буткондон кийин кызды кайтарып бербеши керек ал уй булого антпесе омур бою кун корсотушпойт акмактар.

Nevestkaa

2018-03-13 17:20:23

Өгөй энесине карата туура чечим өзүнүн балдарынын эле энелик укугунан ажыратып койбой статья мн камап салсын,башкаларга да сабак болот.Садагаң кетейиним мындан кийинки жашооң жакшы болсун эми,жетим жетилет деп коет жакшы чоңоюп бул жашоодон ордуңду таап бактылуу бол.(нан жегени үчүн мынча урганы .... акылга сыйдыра албайсын го киши,ошол аялдын жүзүн көргүм келип атат кандай аял кандай эне болду экен)

Blackmoon

2018-03-14 07:32:07

Мындай жаш баланы сабагандар мал экен

aszyma

2018-03-14 09:40:07

Телефон кетти.ким жөнөтсөда Элдик кабардын марттагы женуучусу болот окшойт.

Комментарий калтыруу үчүн өз ысымыңыз менен кириңиз же каттоодон өтүңүз.

Социалдык кызматкер: "Сабалган 8 жаштагы кыздын күбөлүгүндө атасынын аты-жөнү көрсөтүлгөн эмес, учурда апасы изделүүдө"

Ур-токмокко кабылган секелек: &quot;Чөмүч менен башка койгулайт&quot;

РУБРИКАДАГЫ СОҢКУ КАБАРЛАР

Ур-токмокко кабылган секелек: "Чөмүч менен башка койгулайт"