Кылмышка шектүү: "Кызды жылаңач түшкөн сүрөт-видеоңду элге таратам деп коркуткан бала мен эмесмин"

"Жылаңач түшкөн сүрөт-видеоңду элге таратам" деп акча талап кылган бала мен эмесмин". Мындай билдирүүнү SUPER.KG порталына жаш кызды жылаңач сүрөт-видеоңду элге жаям деп коркутуп, акча талап кылганга шектелип кармалган Сардал М. уулу (аты өзгөртүлүп берилди) айтып кайрылды.

"Дос балам мага келип: "Бир кызды менде жылаңач сүрөт-видеоң бар деп коркутуп акча талап кылдым, ал кыз 800 доллар берем деди. Ошол акчаны алып келиш керек", - деген. Кийин кайра "400 доллар берет, 200 долларын сага берем" деп айткан. Мен "милиция кармасачы" десем, "ал кыз өзү коркуп жатат, милицияга бербейт" деген. "Мен кыз менен мындан кийин да байланышта болуп турушум керек, акчаны сен эле барып ал" дегенинен, макул деп кызга барып "акчага келдим" деп сүйлөп баштаганда эле мени милициялар келип кармап калышты. Ал убакта дос балам жолдун аркы бетинде болчу, мени кармаганын көрүп качып кетти. Кызды мен тааныбайм, бул убакытка чейин да көргөн эмесмин. Досумдун аты А.Т.уулу, ага айтарым "болгонун болгондой айтып бер, өзүң ушинтип "кызды коркутуп жатам" дегенсиң, ушуларды келип айт", - деди Сардал.

Сардалдын апасы Күлүм Д. (аты өзгөртүлүп берилди) уулунун бул сөздөрүнө ишенерин, ал досуна азгырылып барган деген пикирин айтты.

"Качып кеткен баланын ата-энеси бизге келип "силердин балаңар дагы кошо барыптыр, ошол үчүн чогуу күнөөлүү болот" деп жатышат. "Балаңар күнөөнү моюнуна алса, калган иштердин баарын өзүбүз жаап бүтүрөбүз. Биз жогору жактан киши салып жатабыз, бир жуманын ичинде канча десе, ошончо берип сенин балаңды да, өзүбүздүн балабызды да чыгарып алабыз" деп убадалашууда. Моюнуна алганда балам соттолуп кетсечи, өмүр бою кара так болот да. Балам 18 эле жашта, жаштайынан соттолгон адам болуп калышын каалабайм. Балам өзү да "алданып барып алыпмын" деп өкүнүп жатат", - дейт апасы.

Бишкек ШИИББинин басма сөз кызматы "жылаңач түшкөн сүрөт-видеоңду элге таратам" деп коркутуп, акча талап кылууга шектүү жарандар үчөө болгонун, шектүү катары Сардал М. уулу кармалып, (аты өзгөртүлүп берилди) үй камагына чыгарылганын, калган шектүүлөр изделип жатканын билдирди.

Эске салсак, 12-мартта Бишкекте жаш кызды "жылаңач түшкөн сүрөт-видеоңду элге таратам" деп коркутуп, акча талап кылууга шектүү жарандар кармалган.

Автор: Бекболсун Молдояр уулу

07:32 16-03-2018

Жазылуу

РУБРИКАДАГЫ СОҢКУ КАБАРЛАР

15:56 2025-06-30 | Кылмыштар, кырсыктар

УКМК төрагасынын атын жамынып алдамчылык кылган дагы бир жаран аныкталды 58 0

15:52 2025-06-30 | Коом жана турмуш

Кыргызстандык окуучу эл аралык олимпиадада алтын медаль алды 47 0

15:21 2025-06-30 | Коом жана турмуш

Бишкектин 12-кичи районунда убактылуу суу берилбейт 108 0

15:07 2025-06-30 | Кылмыштар, кырсыктар

УКМК курулуш компаниясын тартып алууну көздөгөн кылмыштуу топтун мүчөлөрүн кармады 450 0

14:50 2025-06-30 | Кылмыштар, кырсыктар

Кадамжайда милиция кызматкерлерине кол салууга шектүү жарандар кармалышты 480 0

14:42 2025-06-30 | Түркүн дүйнө

Пол Уокердин каарманы "Форсаж" тасмасында кайра пайда болот 388 0

Архив

Комментарийлер (9)

aibars

2018-03-15 15:02:26

Озун башынды иштетпейсинби, бироону коркутуп алып жаткан акча экенин угуптурсун. Кылмышка сен дагы катыштыгын бар. Туштон кийин арданбай.

Dalil

2018-03-15 15:08:00

Акча деп адам эмнелерди кылбайт. Бирөөлөр акча деп жылаңачтанып жатат, башка бирөөлөр коркутуп акча талап кылып жатат. Коркутуп акча талап кылганын билип туруп, барып жатса анда ал да кандайдыр бир деңгээлде күнөөлүү болот.

Mirlan27011987

2018-03-15 15:17:28

Бала сооучастник болуп эсептелет. Кыз туура кылыптыр милицияга кайрылып. Эч ким бироонун жеке жашоосуна кийлигишкенге акысы жок. Азыркы жашоодо бироо бироонун курсагын тойгузбайт. Ар оз жашоосун озу багат.

Shokoladka94

2018-03-15 15:19:13

Жыланач тушкон кыз да, акча талап кылган эргулдар окшош экенсинер го

Pamirlan

2018-03-15 16:11:15

ak4a m.n jabyshat da emi je, 4ondor ortogo tushot. Korupsia

taalay25

2018-03-15 16:25:45

Ошол суротун чыгаргылачы, биз дагы коройук)))

-4

Derzki_kyrgyz

2018-03-16 01:48:08

Кой дегендин ордуна, ээ сен эркек болгон

Nurmat92

2018-03-16 10:08:10

Кыз ХХХХ да, жинди болуп жыланач тушобу суротко? же ошончолук эле ХХХХХ? Мындай жиндилерди туура элге таратып эсине келтириш керек. Бала да жинди акчасына кызыкпай таратып ийбейби сүрөтүн, элдин баары көрсө ошол кыз көчөгө чыккыс болот эле

Nurmat92

2018-03-16 10:10:10

Эгер жыланач тушпосо эмнеге коркот эле, туура жолдо журсо жузу жарык журот эле го, смело билгенинди кыл деп

Комментарий калтыруу үчүн өз ысымыңыз менен кириңиз же каттоодон өтүңүз.