Мэрия: "Маршруттук унаалардын айдоочуларынын талаптары аткарылбайт"

Маршруттук такси айдоочулардын жана эл ташуучу фирма-ишканалардын коюп жаткан талаптары аткарылбайт. Бул тууралуу Бишкек шаардык мэриясынын басма сөз кызматы маалымдады.

Маалыматка ылайык, 1-апрелде өкмөттүн 2017-жылдын 25-декабрында кол коюлган токтому күчүнө кирген. Токтомго ылайык, кооптуу жүк ташыгандар, жүргүнчү ташыгандар милдеттүү түрдө камсыздандыруу полисин алышы керек, албаса 500 сом айып пул салынат же унаалары айып аянтчасына токтотулат. Жүргүнчү ташыган айдоочулар, таксисттер унаасындагы ар бир орунду камсыздандырууга тийиш.

"Шаар ичинде эл ташыгандар камсыздандыруу үчүн жылына ар бир орунга 136 сом 6 тыйын, айыл-шаарлар аралык, эл аралык каттамга чыккандар ар бир орунга 204 сомдон төлөй турганы мыйзамда көрсөтүлгөн. Бул аткарылууга тийиш", - деп жазылат маалыматта.

Анда белгиленгендей, учурда Бишкекте 120 каттам боюнча эл ташыган 40 фирма катталган.

"Күн сайын каттамга 2700дөн ашуун маршруттук такси чыгат. Булардын ичинен көпчүлүгү камсыздандырылган эмес. Бишкек мэриясы эл ташуучу ишканалардын айдоочуларына 26-31-март күндөрү түшүндүрүү иштерин жүргүзгөнүнө карабай, 2-апрелде таңдан тартып алдын-ала маалымдоосуз маршруттук такси айдоочулар иш ташташты. Өткөн жыл ичинде Бишкекте маршруттук унаалар катышкан 252 жол кырсыгы катталган. Анын кесепетинен эки киши көз жумуп, 408 адам түрдүү жаракат алган. 2016-жылы 136 жол кырсыгы катталып, сегиз киши каза болуп, 211 адам жаракат алган", - делет мэриянын маалыматында.

Буга чейин маршруттук таксилердин айдоочуларынын талаптары жазылган. Алар укуктары корголбогондугун, көп тараптан кысымдар болуп жаткандыгын айтышкан. Ал эми шаар тургундары күтүүсүз жаралган бул кырдаалга нааразы болушууда.

Бишкекте маршруттук таксилердин айдоочулары иш ташташты

Бишкектин маршруттук таксилерсиз көрүнүшү (бийиктиктен)

Автор: Кызжибек Раимова

07:41 03-04-2018

Жазылуу

РУБРИКАДАГЫ СОҢКУ КАБАРЛАР

19:33 2025-06-19 | Коом жана турмуш

Азыктар жерге чачылып... Ош-Бишкек жолунда жүк ташуучу унаа кырсыктады (видео) 315 0

18:51 2025-06-19 | Коом жана турмуш

"Билген эмесмин". Блогер Арген Асанов онлайн казинолорду жарнамалаган үчүн кечирим сурады (видео) 1099 0

18:33 2025-06-19 | Коом жана турмуш

Айбек Жунушалиев Жер-Ынтымагы конушунун тургундары менен жолукту 227 0

18:09 2025-06-19 | Бизнес-Инфо

Бакай Иншуренс — Bakai Bankтын камсыздандыруу компаниясы 171 0

18:00 2025-06-19 | Кылмыштар, кырсыктар

Баңгизаттарды мыйзамсыз жүгүртүү менен алектенген кылмыштуу топ кармалды 386 0

17:39 2025-06-19 | Коом жана турмуш

Коноктор кетип калып... Чегирткелер үлпөт тойду бузушту 1346 0

Архив

Комментарийлер (13)

Tyty1990

2018-04-02 13:31:29

Булар ото наглый айдашат, жолдун ортосуна туруп алып акча эсептеп кыбырап кете беришет. Арттагылар жыйырма машине токтоп турганы менен иши жок. Анысы мейли эки маршрутка жолдун ортосуна туруп алып ден соолук сурашып учурашат. Сигнал берип карасан кайра сени согот. Двойной сплошнойду эми айтпай эле койоюн. Каршы тилке менен нагло келе беришет. Кайра мени коркутуп согушот. Тушуп туруп тайнесин таанытайын дейсин,кайра кой дейсин

+11

Kirajsjk

2018-04-02 13:33:24

Байкуш калвйык калкка еле жаман болду

tina-Tin

2018-04-02 13:41:21

Мэрия бир чарасын корбойбу таксилер асмандын баасын койуп алышыптыр. Карапайым калкка эле кыйын.

Baku88

2018-04-02 13:43:56

Тим койгула ачка калганда өздөрү чыгат баарын алып барып камап салса копкондорду

ruskarakol

2018-04-02 13:50:52

Туура маршрутканы жойуш керек.
ордуна троллейбус,автобус журсо жакшы болмок каражат бюджетке тушмок.
маршрутка айдагандар да кийинки убакта наглый болуп калды ошолордун айынан пробка

Baku88

2018-04-02 14:02:14

Талаптары аткарылбасын кетсе кете беришсин башка иштей турган адамдар толтура

kechirmeni

2018-04-02 14:07:57

Чондорун камап тырыштырып койсо эле калгандары баары эсине келип ишке чыгышат эле

ooki8888

2018-04-02 14:09:19

Туугандар акырындык менен велосипед же скутерге отпойлубу.

MNK.88

2018-04-02 17:18:41

ooki8888, Эн туура ой

altyn2015

2018-04-02 14:18:15

Этерээк чечсенер, жумушка келип- кете албай кыйналдык.

aiman1983

2018-04-02 16:41:11

Мэрия кайра маршруткалар учун катуурак талап койсо экен. Только аялдамаларда токтоп, отургучтар толгончо эле жургунчу салып,эски эси кеткен ичи сасык маршруткалар ишке чыкбасын талап кылышса мышык эле болушмак. 15сомго чыгарабыз дешип оолуккан айдоочуларга бул да кем.

fantomas

2018-04-03 08:25:30

Мэрия кайра маршруткаларга талаптарды кучотушу керек... Камсыздандыруу жылына 3000 сомго жетпеген сумма экен, ошого тополон кылгандан уялышпайбы?!!

Мэрия алардын талаптарына конбостон, кайра талаптарды катаалдатыш керек....

Asat17

2018-04-03 13:04:44

Автобустарды алвп келип жумуш ордуларын тузуп бериш кк

Комментарий калтыруу үчүн өз ысымыңыз менен кириңиз же каттоодон өтүңүз.