"Бишкекте маршруттук унаалардын эскертүүсүз жүрбөй калышына нааразымын" дейт тургун

Бүгүн, 2-апрелде таңдан тартып эле Бишкектин жашоочулары маршруттук таксилердин жүрбөй калганына кабылды. Азыркы тапта жол тыгындары жаралып, аялдамада дарегине жете албай жаткан адамдын саны көбөйдү. Абдырахманов-Киев көчөлөрүндө унаалардын тыгыны, башаламандык жаралган. Андагы тургундардын бири өзүн Жекшекан Асаева деп тааныштырып, төмөнкүлөргө токтолду.

"Мен бүгүн жумушка барайын деп чыгып эле маршруттук таксини бир саат күттүм. Келген жок, жумуштан кечиктим. Эч кандай эскертүүсүз мындай абалдын жаралганына нааразымын. Эгер тиешелүү тараптар эскерткенбиз дей турган болсо да ишенбейм, жеке мен бул тууралуу эч нерсе уккан эмесмин", - деди ал.

Абдырахманов көчөсүнөн жалаң жеңил унаалар менен автобус, троллейбустарды көрүүгө болот.

"Эртең менен интернеттен маршруттук таксилер жок болуп жатканын окуп дароо эле таксиге отурдум. 50 мүнөткө жеткен жерге жол тыгынынан улам 3 саатта келдим. Мурда бул аралыкка 10 сом менен келсем, бүгүн такси менен келип 10 эседен көп акча короттум", - деди Нурайым аттуу тургун.

Ал эми таксист болуп иштеген Алмаз аттуу жаран учурда 2-кардарын ташып бара жатканын айтты. Ал: "Мен кечээ маршруттук унаалар жүрбөй турганын уккам, бирок 1-апрелде тамаша го деп олуттуу кабыл алган эмесмин. Такси кызматынын баасын кымбаттатып жатабыз, жол тыгын, күйүүчү май көп кетет", - деди ал.

11:17 02-04-2018

Бишкекте маршруттук таксилердин айдоочулары иш ташташты

Автор: Айсалкын Качкынбекова
Фото: Айсалкын Качкынбекова

Жазылуу

РУБРИКАДАГЫ СОҢКУ КАБАРЛАР

21:47 2024-05-07 | Коом жана турмуш

Сузакта кырсыкта жабыркагандарга психологдор жардам көрсөтүүдө 229 0

21:11 2024-05-07 | Саясат

Куала-Лумпур шаарында кыргыз-малайзия кызматташтыгын өнүктүрүү маселелери талкууланды 145 0

20:48 2024-05-07 | Спорт

Кыргыз көркөм гимнастчылары Ташкенттеги Азия чемпиондугунда 3-орунду ээледи 279 0

20:32 2024-05-07 | Бизнес-Инфо

«О!Деньги» капчыгы: 300дөн ашуун мамлекеттик кызмат көрсөтүүлөрдү бир тиркемеден онлайн төлөө 150 0

19:36 2024-05-07 | Кылмыштар, кырсыктар

Кыргыз-тажик чек арасында ок атылды 4519 1

19:03 2024-05-07 | Түркүн дүйнө

"Ийнеликтин, бактын элесин чагылдырган көйнөктөр". Нью-Йоркто "Мода баллы-2024" кечеси өттү 817 0

Архив

Комментарийлер (3)

Nurmat92

2018-04-02 11:37:12

Туура эле кылды!!! маршрутканын барына да кошулам жогуна да кошулам.

sirenaaaaa

2018-04-02 11:45:00

Маршруттарга 10сом бергенинерди милдет кылып туура эмес жерден тушом дейсинер, анан токтобосо эшигин катуу жаап суйлоносунор эми ошонун азабын бугун тартып жатыпсынарда. Маршруттар тыгын жаратат, толтуруп киши салат деп эле арыздана бербей алар да уй було багат, запчас алат деп эч ким айтпайт.

Rifle_I

2018-04-02 12:35:00

Анда врачтар да иш таштасын. Оклад 5000 сом. Талаптар чоң, күндө текшерүү, тынымсыз комиссия келет. Анан да агрессивдүү оорулар, алардын туугандары.
Оңой жумуш жок, иштеш керек.

Комментарий калтыруу үчүн өз ысымыңыз менен кириңиз же каттоодон өтүңүз.