Абдышүкүр Нарматов белгисиз адамдар үйүнө кирип, уулуна ок чыгарган окуянын чоо-жайын айтып берди

3-май күнү Аалымдар кеңешинин төрагасы, дин ишмери Абдышүкүр Нарматовдун үйүнө уурулукка кирген белгисиз эки адамдын огунан 21 жаштагы уулу жабыркаганы кабарланган. 7-майда Абдышүкүр Нарматов SUPER.KG'ге окуянын кандай орун алганын айтып берди. Анын айтымында, уурулардын бири качып бараткан кезде көчөдөн кармалып калган. Аны бошотуп алуу үчүн экинчиси келип травматикалык тапанчадан бир канча ирет ок чыгарган.

"Окуя болгону анык. 2-майдан 3-майга караган түнү кадимки эле адамдардын үйүнө уурулукка кирип жүргөн эки адам менин да үйүмө кирген. Алар түнкү саат 2ден баштап башка кошуналарымдын үйүнө кирип, 4:40 чамаларында менин үйүмдүн короосуна киришкен. Алардын уурулук аракеттери башка үйлөрдөгү видеокөзөмөлдөргө түшүп калган. Короого кирген кезде үйдүн алдында токтоп турган уулумдун унаасынын терезесин темир лом менен сындырып, уулумдун унутуп калган капчыгын алышкан.

Унаанын терезеси сынган кезде мен чыны же терезе сынгандай болгонун байкап, чыга калып короонун жарыгын күйгүзөрүм менен эки адам качты. Бирөөсү дубалдан көчө тарапка ашып өтүп качып кетсе, экинчиси менин үйүмдөн кошунамдын үйүнө өтүп, кайра көчөгө чыкканда артынан жетип бардым. Чыгып баратып колума чоң шыпыргынын сабы илешип калды эле аны менен бир-эки жолу чапсам жерге жыгылып калды. Артымдан уулум чыгып калды. Ал уктап жатканда апасы "атаң чыгып кетти, артынан чурка" деп ойготуптур. Уулум келгенден кийин качып кеткен ууру шеригин алып кетүү үчүн кайтып келип, биз тарапты көздөй травматикалык тапанчадан бир нече жолу желим ок чыгарды. Анын бири уулумдун бутуна тийип өткөн. Кандай учур болбосун деп уулумду доктурга алып барып көрсөттүк. Доктур бутун тазалап кайра үйгө жиберген. Болгону ошол. Милиция келип ок атылган жерден травматикалык тапанчанын төрт гильзасын тапты. Учурда ууруларды издеп жатышат", - деди Абдышүкүр Нарматов.

Дин ишмери кабар жазуу өтө жоопкерчиликтүү иш болгондуктан айрым маалымат каражаттары 3-май күнү үйүндө болгон окуяны туура эмес багытта жазып жатканын сынга алды.

"Айрым маалымат каражаттары өздөрүнө окурман топтоо үчүн "Абдышүкүрдүн уулун атып кетишти" деп туура эмес маалымат таратып жатышат. Чындыгында андай эмес, желим ок болгондуктан буту жөн гана кызарып калган. Милицияга чалып эмнеге мындай маалымат таратканын сурасам, алар "биз берген жокпуз" деп айтышты. Ислам дининде калем жана калем менен жазылган нерсе өтө маанилүү. Кээде бир калем менен бир мамлекетти өнүктүрүп же бир үй-бүлөнү бузуп коюу мүмкүн. Ошондуктан бармагың менен жазган нерсени эртең Кудай алдында өкүнбөй тургандай болуп жазыш керек", - деди Нарматов.

Дин ишмери Абдышүкүр Нарматов: “Уурулар качып баратып уулум экөөбүзгө ок чыгарышты“

Автор: Жамалидин Парманкулов

07:30 08-05-2018

Жазылуу

РУБРИКАДАГЫ СОҢКУ КАБАРЛАР

12:03 2025-06-18 | Кылмыштар, кырсыктар

Чүйдө төрөттөн кийин 36 жаштагы келин каза болду 8 0

11:53 2025-06-18 | Саясат

Депутат энергетикалык суусундуктарга тыюу салууну сунуштады (видео) 58 0

11:42 2025-06-18 | Түркүн дүйнө

Илон Маск баңгизат колдонбогонун тастыктаган тесттин жыйынтыгын жарыялады 154 0

11:34 2025-06-18 | Саясат

Президент: "Эгер депутаттар митингчилерди ээрчигенде Борбор Азияда абал башка нукка түшмөк" (видео) 222 0

11:33 2025-06-18 | Түркүн дүйнө

Трамптын Байденге "окшошуп бара жатканы" айтылууда 332 0

11:20 2025-06-18 | Коом жана турмуш

ӨКМдин куткаруучусу Эл аралык мелдеште 4-орунду алды 82 0

Архив

Комментарийлер (13)

romaantik

2018-05-07 16:17:49

Аллаh жазасын берсин уурулардын

+23

sakuna

2018-05-07 16:59:15

Мен да атып кетти десе, "бутунан жаман жаракат алганго"о деп ойлогом

sherzatik

2018-05-07 16:59:19

Эми аалымдар калдыбы тонобогонуңар(

+11

pat12

2018-05-07 17:34:04

Динчилдердин артынан ээрчимей жок. Ээрчиме болбойлук кыргыз элим кооз создордун артынан.

-76

Nurmat92

2018-05-07 20:45:00

pat12, дин жолуна тушпой эмне каапыр бололубу сага окшоп

+25

admin_superstan

2018-05-07 17:42:58

pat12, провокация жараткан билдирүүлөрдү жазууга жол берилбейт!

umar4ik

2018-05-07 18:17:13

Уурулардын жазасын Аллах берсин. Бул дуйнодо болбосо да, акеретте куноокорлор жазасын алышат. Чындыгында бугун кылган ар бир ишибиз учун жооп берчу кун бар...

KAYRATBEK

2018-05-07 18:44:43

Мусулман бир туугандар сабырдуу болгула. Аалымдарга жаман соз айткан эч онгон эмес.

Баары отуп кетет.

ХХХХХХХХХ

Бизге араптар улгу эмес бизге Пайгамбар алейхис салам улгу.
Десем
Дагы айтасынар Пайгамбар алейхис салам арапко деп.
ХХХХХХХХХХХХ

iryi1

2018-05-07 19:14:59

Кооз диний создорду куумай жок.

-20

kelemdedin

2018-05-08 10:17:28

Аллах шыпаа берсин уулунузга. Илиминизге береке. Сизди сыйлайбыз.

altyn7776

2018-05-08 11:14:12

Сак болунуз Абдышукур ажы. Сиздин акыркы жылдары жыйган байлыгыныз тууралуу интернетте жазылып журот. Ууруларга жакшы информация да. Ачык чыгарып, декларацияныз менен коомчулукту тааныштырып койсонуз кантет？ Аалым киши тазалыгы менен ээрчитиш керек го дейм элди

-2

Комментарий калтыруу үчүн өз ысымыңыз менен кириңиз же каттоодон өтүңүз.