Токтогулда мурдагы мугалими тарабынан сабалган 13 жаштагы баланын атасы окуянын чоо-жайын айтып берди

Токтогул районунда 7-класстын окуучусун сабаган деп мурдагы мугалим айыпталууда. Бул тууралуу SUPER.KG порталына ИИМдин басма сөз кызматынан кабарлашты.

Маалыматка ылайык, Жалал-Абад облусуна караштуу Токтогул районунун Бала-Чычкан айылындагы орто мектептердин биринин мурдагы дене тарбия мугалими 7-класстын окуучусун себепсиз сабаган деп айыпталууда. 2018-жылдын 28-апрелинде Токтогул РИИБине аталган айылдын тургуну арыз менен кайрылган. Анда ошол эле күнү 1986-жылы туулган мурдагы дене тарбия мугалими С.Э. эч себепсиз 7-класста окуган баласын сабагандыгын жазган. Бул иш боюнча экспертиза дайындалып, окуучунун жеңил жаракат алгандыгын аныктаган.

SUPER.KG порталы жабыр тарткан баланын атасы Кубан Токтоназаровго байланышып, окуянын чоо жайын билдик.

"28-апрель күнү кечки саат 19:00 чамасында балам М.Ы. айылдын башында жумуштап жүргөн жеринен С.Э. кармап алып, башын эки жеринен жарып сабаган. Мен ошол эле күнү милицияга арыз менен кайрылгам. Бирок милиция тарабынан эч кандай чара көрүлгөн жок. Качан гана бул маалымат журналисттерге тарап кеткенден соң, милиция С.Э.ни издеп башташты. Кийин сабаган баланын апасы үйүмө кечирим сурап келип, 2 миң сом акча сунуштады, ага макул болгон жокмун. Себеби колу менен кылганын моюну менен тартсын. Азыр баламды Бишкекке алып барып дарыгерлерге көрсөтүп, текшерүүдөн өткөрдүк, керектүү дары-дармектерин алып бердим. Балам аябай коркуп калыптыр, азыр өзү эшикке чыгып-кире албай жатат.

Ал эми сабаган кишини милиция кызматкерлери Бишкекте жүргөн жеринен кармап кетишиптир", - деди жабыр тарткан баланын атасы Токтоназаров.

Учурда "бейбаштык" беренеси боюнча кылмыш иши козголуп, С.Э. Токтогул РИИБинин убактылуу кармоочу жайына камакка алынып, териштирүү иштери жүрүп жатат.

Автор: Аалы Искендеров

07:35 09-05-2018

Жазылуу

РУБРИКАДАГЫ СОҢКУ КАБАРЛАР

12:03 2025-06-18 | Кылмыштар, кырсыктар

Чүйдө төрөттөн кийин 36 жаштагы келин каза болду 8 0

11:53 2025-06-18 | Саясат

Депутат энергетикалык суусундуктарга тыюу салууну сунуштады (видео) 58 0

11:42 2025-06-18 | Түркүн дүйнө

Илон Маск баңгизат колдонбогонун тастыктаган тесттин жыйынтыгын жарыялады 154 0

11:34 2025-06-18 | Саясат

Президент: "Эгер депутаттар митингчилерди ээрчигенде Борбор Азияда абал башка нукка түшмөк" (видео) 222 0

11:33 2025-06-18 | Түркүн дүйнө

Трамптын Байденге "окшошуп бара жатканы" айтылууда 332 0

11:20 2025-06-18 | Коом жана турмуш

ӨКМдин куткаруучусу Эл аралык мелдеште 4-орунду алды 82 0

Архив

Комментарийлер (7)

Lilireinhart18

2018-05-08 18:10:28

Мыкаачы

KRIMINAL

2018-05-08 18:19:41

Алы ушул чүкөдөй болгон балага жеттиптирби? Түрмөгө түшсө ошол жактан күч сынашат эми. Зектер эки күндө молдо кылат.

Kulatov

2018-05-08 19:16:48

Азыркы адамдарга да ишенбей кетесин кээ бир адамдар кумурскадан пил жаратып жиберет кимисине ишенеериңди да билбейсин

Kulatov

2018-05-08 19:19:51

Чндап баланы ошол абалга жеткирсе анда камалсын жалган жалаа болсо......

momun74

2018-05-08 23:23:52

ии байкушум десе кантип ушундай болсун аны жазалаш керек

Дарыгер

2018-05-09 11:44:30

Башы танылып турат го. Сотрясение алды байкуш бал

monster_high_98

2018-05-09 12:39:46

Эгер физрук болсо жондон жон сабаганына козум жетпейт;Элестеткиле келип эле ун соз жок сабап кирсе....азыркы 7-класстар чукодой эмей эле чооон жигит болуп,мугалиминин эмес ата-энесин укпай калган кези,билбейм экоонун ортосунда тушунбостуктор болгондур;жондон жон эле сабай берген агай болсо башкалар деле эчак кайрылмак да;Коз менен корбогон сон алдын ала Бир тарапты куноолой албайбыз.Агайдан корсотмо алышсын да

Комментарий калтыруу үчүн өз ысымыңыз менен кириңиз же каттоодон өтүңүз.