Кубанычбек Кулматовго коррупция беренеси менен айып тагылды

Тектеш кабарлар: Кубанычбек Кулматовго каршы кылмыш иши козголду (65 материал)

Мамлекеттик бажы кызматынын мурдагы төрагасы Кубанычбек Кулматовго айыбы угузулду. Бул тууралуу УКМКнын басма сөз кызматы билдирди.

"Кубанычбек Кулматовго 18-май күнү Кылмыш-жаза кодексинин 303-беренеси (коррупция) менен кылмыш иши козголуп, айыбы угузулду. Ал 2014-жылы Бишкек шаарынын мэри болуп турган кезде Калыс-Ордо конушундагы мектеп жана бала бакчага бөлүнгөн акчаны мыйзамсыз колдонгон деп айыпталууда", - деп билдиришти басма сөз кызматынан.

Эске салсак, 11-майда Кубанычбек Кулматов УКМК тарабынан суракка чакырылган, эмне маселенин негизинде чакырылганы боюнча аталган мекеме комментарий берүүдөн баш тарткан. Ал эми сурактан чыккан Кулматов журналисттердин суроолоруна жооп берип жатып: "Суроолор ТВЕА компаниясы грант катары берген акчага салынган мектеп боюнча болду. Башка эч кандай маселе болгон жок. Берилген каражатка Калыс-Ордо конушунда мектеп салынган. Баары мыйзамдуу болгон, балдар окуусун улантууда. Кылмыш иши козголгон эмес", - деген.

Белгилей кетсек, Калыс-Ордо жаңы конушунда курулган 86-мектепке Кытайдан алынган гранттын эсебинен 2 миллион доллар жумшалган. Бишкек шаардык мэриясынын алдындагы коомдук-мамлекеттик капиталдык курулуш башкармалыгынын жетекчиси Сталбек Өмүрканов 2 миллион доллар жетпей калып, Бишкек мэриясы 104 миллион сом бөлүп бергенин билдирген.

19-майда Кулматовдун үйүнө тинтүү жүргүзүлгөн, бирок УКМК бул тууралуу маалымат берүүдөн баш тарткан.

жаңыланды 07:30 22-05-2018
кошулду 16:08 21-05-2018

Кулматовго курулган мектепке байланыштуу коррупция боюнча айып тагылды

Автор: Сталбек Абдижалил уулу

Жазылуу

РУБРИКАДАГЫ СОҢКУ КАБАРЛАР

21:52 2024-05-01 | Маданият, шоу-бизнес

Азиз Батыровдун шакирттери эл аралык сынакка катышат 440 0

21:38 2024-05-01 | Коом жана турмуш

Дайынсыз болуп жаткан 12 жаштагы Раатбек аман-эсен табылды 835 0

21:17 2024-05-01 | Коом жана турмуш

Айылдарда 600 сом болсо, шаарларда 1200 сом. Турак жайды эмне үчүн камсыздандыруу керек? 797 0

20:33 2024-05-01 | Коом жана турмуш

Көңүлдү жаз кылган гүлдөр. Кызгалдактуу талаанын ажайып сүрөттөрү 640 0

20:08 2024-05-01 | Коом жана турмуш

Борбордо Бишкектин 2025-жылга чейинки өнүктүрүү программасы талкууланат 430 0

19:30 2024-05-01 | Коом жана турмуш

Кочкордо өспүрүмдөр арасында республикалык мелдеш башталды 585 0

Архив

Комментарийлер (15)

kg_bala_

2018-05-21 10:10:37

Качып кетти да уже

Dembele84

2018-05-21 10:39:08

kg_bala_,Качпай эле сурак бергени кирип кетиптир бугун

SeN_Sulusun

2018-05-21 10:35:15

Кудайга Шугур бизде да закон иштей баштаптыр

Kg-kg-kg17

2018-05-21 10:55:59

Кубанычбы башкасыбы куноосу болсо жазалансын.Эмесе тойгончо жеп бири-бирине шылтап кутулуп кетишуудо

kyrgyz.kg83

2018-05-21 11:04:37

Денсолугу жакшы болсо,күнөсү болсо камаш керек тайрандатпай

-1

fantomas

2018-05-21 11:07:13

Туура эле камашты. Калыс-Ордого ТВЕА 2 миллионго 1200 орундуу мектеп куруп бермек болгон. Бирок жыйынтыгында ТВЕА мектепти курдурууда акча жетпей жатат деп Бишкек мэриясынан кошумча 104 миллион сом болдуртуп алган. Мектеп болсо 1200 орундуу эмес, болгону 660 орундуу болуп салынган. Ошондо 3,5 миллион долларга болгону бир мектеп курулуп жатат, хотя бул акчага дал ошондой 3-4 мектеп курууга болмок.

fantomas

2018-05-21 11:14:03

Бул жерде ТВЕА менен Кулматов жетектеген Бишкек мэриясы ачык эле коррупцияга аралашканы корунуп турат. Озунор деле ойлонгулачы, бир мектеп куруу учун 3,5 миллион доллар жумшалат деген эмне?!!

Бул жерде Кулматов эле эмес, ошол коррупциялык процесске аралашкан мзрия жана архитектура кызматтарынын кызматкерлери да камалып, жегендерин "кусушу" керек.

Ал эми Соке ТВЕАны жоопко тартууга эрки жетет бекен, ушунча далилдерден кийин?!! Же Кытайдан коркуп туруп береби?!!

aksy94

2018-05-22 07:36:51

fantomas,ТВЕАны жоопко тартканга акысы жок кыргызстандын договорду ошондой тузушкон экен сотко берген кундода только кытайдын соту чечет б

altyn7776

2018-05-21 11:50:00

Бул коррупционердин акчасын жеп АША жети жыл чардап журду, койнуна калкалап. Бул да бийоиктин эрке баласы болуп майлуу кызматтарды ээлеп журду. 2010 жылы 400 мин доллар берип АШАны майлаганда эле тушунгом（телефонгейт).

Meni_unut

2018-05-21 12:42:31

Жээнбеков молодец.Башында жактырбадым эле.Бир четтен камап сал акча жегендерди.Ушуга окшогондордун айынан карызга батып кеттик.

fantomas

2018-05-21 13:07:26

Meni_unut, Соке буларды кустурса молодец. Анан калп эле шоу кылып, кийин акталып кетсе же жегендерин, уурдагандарын кустуруш колунан келбесе кайдан молодец болот?!

Жожону куздо санайт, ашыкпай кое тур, мактабай...

Meni_unut

2018-05-21 13:55:05

fantomas,Шоу эмес.Атамбаевтин адамдарын бир четтен иштен алып, жегенин камака тыгып жатат го.Баш кылып С.Исаковду такап жатат.

fantomas

2018-05-21 21:52:09

Meni_unut, куноологон башка, камап кустурган башка. Бугун куноолоп, эртен актап чыгарып жиберсе Келдибеков, Иса Омуркулов ж.б.окшоп, анда бугун куноологону бекер го?!!

almanbetperm

2018-05-22 09:22:10

Ооруп журбосун, справка алдыргыла

almanbetperm

2018-05-22 09:22:28

Ооруган же оорубаган жонундо

Комментарий калтыруу үчүн өз ысымыңыз менен кириңиз же каттоодон өтүңүз.