ЖЫЛНААМА, 28-ДЕКАБРЬ: 117 жыл мурун көрүнүктүү коомдук-саясий ишмер Жусуп Абдрахманов төрөлгөн

1901-жылы 28-декабрда Кыргыз мамлекеттүүлүгүн түптөөчүлөрдүн бири, Кыргыз ССРинин Эл комиссарлар кеңешинин төрагасы, кыргыз калкынын көрүнүктүү уулу, белгилүү саясий жана коомдук ишмер Жусуп Абдрахманов төрөлгөн.

Ал Каракол уездиндеги Күнгөй Ак-Суу болуштугунун Чиркей айылында бай-манаптын үй-бүлөсүндө жарык дүйнөгө келген. Бала чагы Сазановка айылында өтүп, 3 жылдык жергиликтүү орус мектебин бүтүргөн. 1914-жылы Караколдогу шаардык жогорку училищеде окуп, 1916-жылкы окуя анын билим алуусуна кедергисин тийгизген. 1920-жылдан тарта ал партиялык кызматка аралашып, 1924-жылы Түркстан Борбордук аткаруу комитетинде жооптуу катчынын милдетин аткарган. 1927-жылы 12-мартта 26 жашында Кыргыз автономиялык облусунун Элдик комиссарлар кеңешине төрагалык кызматка дайындалган.

Абдрахманов өз элинин тарыхын изилдөөчү катары республиканын тарых илиминин өнүгүшүнүн башатында турат. Анын Кыргыз мамлекетинин тарыхы боюнча алгачкы эмгеги 1928-жылы "Кыргызстан" деген ат менен жарык көргөн. Мындан тышкары анын 1916-жылкы көтөрүлүш жөнүндө чындык жана акыйкат өңүтүндө жазылган "Күндөлүгү" жана башка китептери белгилүү.

1933-жылы сентябрда Жусуп Абдрахманов "Коммунисттик партияга каршы аракеттенген" деген жалаа менен ишинен бошотулуп, партиянын катарынан чыгарылган. 1937-жылы 10-июнда "контрреволюциячыл "Алаш-Ордо" уюмунун катышуучусу" деген жалаа менен камакка алынган. 1938-жылы 5-ноябрда бейкүнөө атылган, бирок 1958-жылы кайрадан акталган.

28-декабрга карата жылнаама.

Автор: Жылдыз Джускембаева

08:54 28-12-2018

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (2)

molorbaev

2018-12-28 09:48:37

Кайран адам, жапжаш болуп туруп кыргыз эли учун, кыргыз мамлекеттуулугу учун нар которгус иштерди жасап кеткен. Бугунку кундогу Кыргыз мамлекетинин эгемендуу жашап жатышына бул адамдын туздон-туз тиешеси бар.

Jelezo

2018-12-28 11:22:04

Өзүбүздүн кыргыздар аттырганда жалгандан жамандап биздин ушундай жаман адаттарыбыз дагы деле жашап жатат.

Комментарий калтыруу үчүн өз ысымыңыз менен кириңиз же каттоодон өтүңүз.