Ак Үйдүн алдына барып түкүргөн Рамис Закирияев: "Түкүргөн туура эмес, бул кылганыма уялып жатам"
Тоң районундагы Бүркүт айылынын Рамис Закирияев аттуу тургуну Ак Үйдүн алдына барып түкүрүп, видеосун интернетке чыгарган. Бүгүн, 8-январда ал Тоң районундагы үйүнөн Биринчи Май райондук милиция кызматкерлери тарабынан Бишкекке алынып келди. Ал алгач Биринчи Май райондук администрациясына кирип чыгып, андан соң SUPER.KG'ге эмне себептен Ак Үй алдына барып түкүргөнүн айтып берди. Ошондой эле бул аракети үчүн элден кечирим сурай турганын белгиледи.
"Ак Үй алдына барып түкүр деп мени эч ким үгүттөгөн эмес, өз каалоом менен барып түкүрдүм. Бирок муну менен элди "мыйзамды бузгула" дегенге үгүттөгөн жокмун. Мыйзамга эч кандай каршылыгым жок, баш ийгем. Ошондуктан кылган аракетим үчүн уялам. Себеби түкүргөн туура эмес. Бирок бир жагынан карап көрсөң башка өлкөлөрдө жолдор жуулуп таза турат. Биздики андай эмес. Ошону көрүп туруп анан кантип түкүрбө деп айтат? Ошолорду да туура карап, мыйзам кабыл алышса жакшы болмок. Ал эми салынган айып пулду төлөгөн соң түкүргөн жериме барып элден кечирим сурайм. Бирок бийлик адамдарынан, депутаттардан эмес, аларды шайлаган элден", - деди Закирияев.
Закирияев айып пулду төлөй элек. Айып пулду төлөө үчүн алгач Биринчи Май райондук администрациясы тарабынан атайын комиссия түзүлүп, анын жыйынтыгы менен токтом кабыл алынышы керек.
"Кечээ Тоң райондук милициясына чакырышкан. Баргандан кийин түшүндүрүү иштерин жүргүзүп, кайра коё берип коюшту. Бүгүн эртең менен Бишкектеги Биринчи Май райондук милиция бөлүмүнүн кызматкерлери Тоңдогу үйүмө барып, Бишкекке алып келишти. Азыр райондук администрацияга кирип чыктым. Бул жактан "жакында комиссия түзүлөт, келип суроолорго жооп бересиз, андан кийин чыгарылган токтомдун негизинде айыпты төлөп кетесиз" дешти. Макул болдум. Себеби азыр кимге төлөйм? Комиссия карамайынча, токтом чыкмайынча айып пулду төлөй албайт экенмин", - дейт ал.
Закирияевдин Ак Үйдүн алдында түкүргөн видеосу коомчулук тарабынан кызуу талкууланып жаткан учурда анын дипломун өрттөп жиберген видеосу да интернетке тарады.
Өзүнүн айтымында, буга чейин Бишкектеги жогорку окуу жайлардын биринде 5 жыл окуп программист адистигине ээ болгон. Бирок кесибине ылайыктуу жумуш таба албагандыктан мындан бир канча күн мурун дипломун өрттөп жиберген.
"Убагында аябай аракет кылып, элди көтөргөн жигит болом деп ойлогом. Бирок азыр кандай жолдо баратканыбызды өзүңөр билесиңер. Таанышы, акчасы жок дегендей болуп эле эч нерсеге жетише алган жокмун. Ошондуктан дипломдун мага кереги жок экен. Бир күнү керек болуп калат деп катып алгым келген жок", - деп кошумчалады.
кошулду
Ак Үй тарапка түкүргөн Рамис Закирияев: "Кылганым туура эмес, эми элден кечирим сурайм"
Негизи эле биздин жашоо шартыбызгы мындай закон+салык туура келбейт,тооктукундай да мээси жок экен ушуну чыгаргандардын
+3
gulmi
2019-01-08 20:05:49
Айланайындар!!!кочодон тукурбой койгулачы!наалыбай.Ким тукуругунорду чубап чыгып жатат?Тукурбо болду маселе жок.
+5
zevs
2019-01-08 20:12:40
Ayttymgo keche ele bul dele kechirim surayt
+1
Tasma2014
2019-01-08 20:39:39
Эн туура элден кечир им сураса депутаттардан жмес, жигиттин созу ордунда сабатту бирдин ичинен чыга турган жигит экен, тантырап кыргызча жазып жаттатып койгон кутуктоону жакшылап айта албаган чиновниктерден коро созу тушунуктуу созу салмактуу уккан адамдын кулагы суйуно турган экен.
+11
monster_high_98
2019-01-08 20:39:43
Эркекче айтыптыр,кыргыздар дипломду чан бастырып,кайра эле мигрант болуп журобуз!
+8
zevs
2019-01-08 20:40:25
Bir ekonu syndyrsa kerek birol azyr tolgon tokoy el naarazy bolup jatpayby.konul bolgon adam jok
+4
lotte
2019-01-08 21:35:18
Чимкирсен да 5500 штраф бекен)) чонтокко платочка салып журот окшойбуз, тукурукту чимкирип коюп)))
+3
PROS
2019-01-08 21:47:26
Түкүрүк баатыр)))
-1
tynchtyk93
2019-01-08 21:49:05
Айып пулду 10 мин кылсада каршы эмесмин себеби тукурбой койо алам
+9
kechirmeni
2019-01-09 08:54:28
Орттосон озуно зыян, дипломду алып иштеп эле атышат го, мамлекет деп бир жолу таянып албай озун да аракет кылышын керек да, мамлекет иш бере албаса частныйга кир, болбосо мен коп программисттерди билем Кыргызстанда туруп алып чет элге программа жасап беришет,адам озу жакшы ниет кылып аракет кылыш керек
0
Jaziko80
2019-01-09 08:59:20
Мен ушул баланын видеосун корондо,эртен кечирим сурайт элден,суратышат кечиримди деп ойлодум эле. Мындай видео коп болгон деловой болушуп кайра кечирим сурашып. Туура эмес жасапмын деп. Ойлонуп тукурбодунда. Мен эркек экенсин дедим эле. Кечирим сураган жерин уялып жаткан жерин, суйлогон созуно дал келбей калды. Эркек бир суйлоп кайтпаш керек.
-1
Jaziko80
2019-01-09 08:59:54
Атын чыкпаса жер ортто. Атын чыгарып алды.
-1
Benazir08
2019-01-09 10:31:56
Эркек экен чындап созу ордунда норм суйлоду. Элден кечирим сурананы тузук ана аппак уялчаак депутаттардан эмес
+3
uli1234
2019-01-09 12:49:50
Чонтоко салафан салып алгыла ошого тукуруп мусор таштадыга барганда ыргытып койсо болот экен
-1
Totyua.71.
2019-01-09 18:32:00
Кечирим сураганды го кечирим сурады,бирок....андан кийин дипломун өрттөгөн,көлгө проблеманы чечүү үчүн түшкөн видеолору катарынан чыкты го!
0
Комментарий калтыруу үчүн өз ысымыңыз менен кириңиз же каттоодон өтүңүз.
Тоң районундагы Бүркүт айылынын Рамис Закирияев аттуу тургуну 
