КТРК “Аалам сырлары-2” долбоору боюнча тергөө иштери жыйынтыкталганын билдирди

Коомдук канал 24-апрелде “Аалам сырлары-2” долбоору боюнча тергөө иштеринин жыйынтыктары тууралуу билдирүү таратты. Төмөндө билдирүүнүн толук тексти:

"Кыргыз Республикасынын Коомдук телерадиоберүү корпорациясынын “Аалам сырлары-2” долбоорунун айланасындагы чыр-чатактарды териштирүү боюнча тергөө иштери жыйынтыкталды.

Бишкек шаарынын Ленин райондук ички иштер башкармалыгынын 2014-жылдын 31-мартында чыгарган №1638-токтомунда аталган долбоордун катышуучусунан пара өндүрүү боюнча кылмыш ишин козгобоо тууралуу чечими кабыл алынган. Токтомдо “КТРКнын “Аалам сырлары-2” долбоорунун катышуучусу Исманкулова Ира Асанбековнадан (лакап аты Индира) корпорация менен эч кандай эмгектик келишими жок болгон Абдыбекова Таалайкүл Жамбылбековнанын (лакап аты Дана) 30 миң АКШ долларын талап кылышы боюнча кылмыш фактысы жок болгондуктан, бул маселе боюнча кылмыш иши козголбосун” деп айтылат.

Чечимдин КРнын Кылмыш жана жаза кодексинин “кылмыш далалаты” аттуу 28-беренесине таянып чыгарылганы белгиленген. Ошондой эле бул маселе боюнча Таалайкүл Абдыбекованын учурда Республикалык психоневрологиялык диспансерде дарыланып жаткандыгына байланыштуу аны суракка алуу мүмкүнчүлүгү болбогондугу тууралуу да жазылган.

Мындан улам КТРКнын жетекчилиги ушул токтомдун негизинде маселе такталганга чейин иштен четтетилген КТРКнын кызматкерине кайрадан иштөөсүнө уруксат берүү чечимин чыгарды.

Белгилей кетсек, үстүбүздөгү жылдын 20-февраль күнү айрым интернет басылмалар Дана аттуу айым менен “Аалам сырлары” теледолбоорунун катышуучусунан пара сурап жаткан аудиожазууну жарыялышкан. Кийинки иликтөөлөрдүн негизинде сүйлөшүүлөр Дана Абдыбекова жана Индира Исманкулова аттуу айымдардын ортосунда болгону белгилүү болгон. Ушул фактылардын негизинде КТРКнын жетекчилиги чукул жыйын өткөрүп, бардык материалдарды укук коргоо органдарына өткөрүп берүү жана долбоорду тартууга катышкан чыгармачыл топту кырдаалдын аныкталып далилденишине чейин иштен четтетүү чечимин кабыл алган. Ошондой эле КТРКнын жетекчилиги “Аалам сырлары-2” долбоорунун катышуучуларынын, эксперттеринин пикирлерин угуп, журналисттер менен да бул маселе боюнча жыйын өткөргөн. Корпорация КТРКнын кызматкерлери тарабынан каражат талап кылуу же кызмат абалынан кыянаттык менен колдонуу фактылары жөнүндө жарандардын кайрылуулары үчүн ишеним телефонун ишке киргизген.

Автор: Айпери Ганыжан кызы

17:12 25-04-2014

Жазылуу

РУБРИКАДАГЫ СОҢКУ КАБАРЛАР

10:56 2025-05-01 | Кылмыштар, кырсыктар

Ошто МАИ кызматкерин чаап жиберген жаранга кылмыш иши козголду 34 0

10:50 2025-05-01 | Супер-Инфо

Француз десерти – профитроли 38 0

10:38 2025-05-01 | Түркүн дүйнө

Путин үч жылдан бери түнүнүн көбүн өткөргөн Кремлдеги батирин көрсөттү (видео) 267 0

10:15 2025-05-01 | Маданият, шоу-бизнес

"Оор жашоону көргөнбүз". Актёр Актан Рыскелдиевге жубайы унаа белек кылды (видео) 438 0

10:10 2025-05-01 | Супер-Инфо

Мамилени бекемдеген сүйүүнүн 5 тили 129 0

09:57 2025-05-01 | Түркүн дүйнө

Өзбекстанда электрондук тамекиге толугу менен тыюу салынды 181 0

Архив

Комментарийлер (52)

uluk1982

2014-04-26 10:20:55

Анекдот коррупция жонундо!!;Бир чабан партияга кирем деп отпой калыптыр,андан сураптыр эмнеге отпой калдын деп,ал айтат;бир суроого жооп бере албай калдым дептир, эмне деген суроо десе;Басмачы болдун беле деп сураптыр,ошондон отпой калдым деген экен, анда тигилер; Басмачы болгон эмесмин дебейт белен десе,анда чабан;Кантип калп айтасын Корбашы озу сурап атса дептир!))

+29

Supataev.Salamat

2014-04-26 10:31:40

Бармак басты коз кысты болуп бутоору башында эле билинген

+26

eldar87

2014-04-26 10:42:40

Баары эстуу болушат эч бир жыйынтык жок

+26

pakistanka

2014-04-26 11:17:02

asil,dana , nazzirani ,uksam ele jurogum aylanat... beeteri kalin bolgon uchun emi chiga beriwet da wumpaylar... eldin dele korgusu jok bolso kerek..

+28

myrzayym

2014-04-26 12:33:51

Жылаңыч чындык аңырайып турса да, ушунча адамдардын көзүнчө,жокко чыгарып салгандай болгону эмнеси? Каратып туруп калп айтты дегендей эле болуп калды бул жагы... анан күйуп - бышкан эл кансин! Айласы кеткенде ар кандай жоруктарга барып жатышат да! Ушундай өсүү менен кайсыл тупикке барып такалабыз. Просто ыйлыгың келет, ыйлагың....

+27

Nuriss

2014-04-26 13:57:39

Азыр барын акча чечип калган убакта кубат оторбаев баш болуп суудан кургак чыгыштыда

+26

Turadi

2014-04-26 15:02:29

Корупциянын гүлү дайым ачып турат да бизде. Дегеним Мыйзам деген өзү КР да акчасы жокторду камоого, акчасы барларды актоого гана жазылат. Ушу ручка менен кагазды сарптабай тим эле койбоптурда өзү.

sarbo

2014-04-26 18:53:20

бизде качан эле туура чечим чыкчу эле ошончо факт турса дагын корбойттор,байкуш ошону кармашып бетини ачып берген оперлер,мээнеттери текке кетти,кудай гана жазаласын,паракорлорду,пулун болсо кулунмун деген заманда бизде,эч кандай мыйзам иштебейт,бей-бечараларга эле жетет мыйзамдын кучу

tabyshmak

2014-04-27 08:32:40

,,Биз акпыз!" деп мурдагыдан да кучтуу чыгышат да эми Назиракан, Данакандар. Булар биригип алып, ун жазууларды ачыкка чыгаргандардын устунон арыз жазып журбосо эле болгону...

13-nazi

2014-04-27 17:12:38

Мен жогоруда айтылгандаргага кошулам эмне 2 жигитке башка мыйзам иштеп буларга башка мыйзам иштейби, анан кантип корупцияга каршы курошот. Баягы эле "оозу кыйшык болсо да байдын уулу суйлосун" деген заман болуп жатат, тааныш, акча баарын чечип жатат, бул долбоорду жаап кызматкерлерди, КРТдин жетекчилерин ушунча ызы-чуудан кийин бир чара колдонуш керек болчу.

aidin8625

2014-04-27 19:19:41

маскара маскара.коз коруноо ишти таптаза кылып жаап коюшуптур.турмого тушкондо же тушоордо баары ооруп калышат.иш буткондон кийин беттерин саландатышып элдин алдына эч нерсе болбогондой чыгып журо беришет.чындыгына келгенде актап чыккандары да кылмыш жасап жатышат.баары корупцияга малынган.закон акчалууларга ,таанышы барларга иштебейт.ушундай нерседен кийин эл кантип ишенет бийликке.

aidin8625

2014-04-27 19:36:36

чындык чыркыраган боюнча калыптыр да.уурдабаган эле адамды машиненин донгологун уурдаган деп жатышты эле.жок дегенде коз коруноо болуп жаткан нерсени мыйзам чегинде жазага тартса болмок.

Dadasdasd

2014-04-28 09:06:43

Болбоду дегенде 1% эмес 0.5% адилеттик кылып жумуштан кетиргенде разы болот элем. Бул жагы окшошпой калды. Үмүт өчтү.

myshka406

2014-04-28 09:39:32

шермендечилик!!!

edico22

2014-04-28 11:24:03

Карга карганын козун чукубайт болушкан турбайбы!Оторбаев эркек болсо жумушунан оз эрки менен кетип калса жакшы болмок.Коррупционерлерди топтоп алып коомдук телени башкаруунун озу чон куноо.Кыздын сыры торкунго маалым демекчи КТРКнын сыры элге маалым болуп калды!Эми тигил козу ачыктарды куугунтуктабаса эле болду.

Комментарий калтыруу үчүн өз ысымыңыз менен кириңиз же каттоодон өтүңүз.