УЕФАнын Чемпиондор Лигасы: Мадриддик клубдардын финалында “Реал” утуп, кубокко 10-ирет ээ болду (фоторепортаж)

Мадриддик "Реалдын" бул беттеш алдында чемпиондукка башкы талапкер экени белгилүү болчу. Кыйынчылыктар болгонуна карабай оюнчулар бул ишенимди актай алышты.

"Реал" өз тарыхында УЕФАнын Чемпиондор Лигасын 10-ирет утуп алды.

Оюндун акыркы мүнөттөрүндө Криштиану Роналду 11 метрлик айып соккусун ишке ашырды.

Марсело оюнга акыркы мүнөттөрдө кошулуп, команданын жеңишке болгон ишенимин бекемдей алды.

"Атлетиконун" оюнчулары катуу чарчап, топ менен чыга келген Марселонун жолун тороого жарашкан жок.

Бош дарбазага топту таамай багыттаган Бэйл...

Гарет Бэйл бош дарбазага топту таамай багыттоодо.

Андан соң тең эсепте ойной баштаган командалар кошумча 15 мүнөттүктөрдү ойноого өтүштү. Гарет Бэйл командасын алдыга чыгарды.

Серхио Рамос акыркы мүнөттөрдө оюн эсебин теңей алды.

Криштиану Роналду адаттагыдай кооптуу кырдаалдары менен өзгөчөлөнө алган жок.

Карим Бензема кезектеги мүмкүнчүлүктү пайдалана алган жок.

Криштиану Роналду өзүнүн жана командасынын оюнга кире албай жатканына нааразы болууда.

"Атлетико" андан кийин да кооптуу чабуулдарды уюштурганга жетишти.

Оюн эсебин Диего Годин ачты.

Же топко чыгарын, же ордуна каларын билбей калган Касильяс топко жете албай калды. Оюн эсеби ушундайча ачылды.

Топко чыгууда "Реалдын" дарбазачысы Икер Касильяс ката кетирди.

Оюн курч мүнөздө башталды. Гарет Бэйл келген мүмкүнчүлүктү пайдалана алган жок.

Португалиялык белгилүү футболчу Луиш Фигу УЕФАнын Чемпиондор Лигасынын кубогу менен...

Оюн алдында машыгууда "Реалдын" оюнчулары...

"Реалдын" коргоочусу Пепе жаракатынан улам майданга чыга алган жок.

"Атлетиконун" стадиондогу кийим которуучу жайы.

"Реалдын" стадиондогу кийим которуучу жайы.

Оюн Португалиянын Лиссабон шаарында "Бенфика" клубунун стадионунда өттү.

Кечээ, 24-май күнү Португалиянын Лиссабон шаарында УЕФАнын Чемпиондор Лигасынын финалдык беттеши орун алып, мадриддик клубдар “Атлетико” менен “Реал” кез келишти. Жыйынтыгында “Реал” утуп чыгып, өз тарыхында 10-ирет аталган мелдештеги жеңишине жетти.

Беттеш курч мүнөздө башталып, алгачкы мүнөттөрдөн тарта командалар каршы тарапка чабуул коюп башташты. Алгачкы болуп “Атлетико” оюн эсебин ачып, оюндун калган бөлүгүндө коргонууга ыктаган оюн алып барды. Негизги убакыт жыйынтыкталып, калыс 5 мүнөт кошумча убакыт бергенде Серхио Рамос “Реалдын” эсеп катыштыгында теңелүүсүн шарттады. 15 мүнөттүк кошумча убакыттарда “Реалдын” оюнчулары өз оюнун таап, 3 гол киргизе алышты. Ал эми “Атлетиконун” оюнчулары коргонууда көп күч жумшагандыктан, оюндун акыркы мүнөттөрүндө тиешелүү деңгээлде коргонууга жарай албай калышты.

Бул жеңиш мадриддик “Реалдын” 10-ирет УЕФАнын Чемпиондор Лигасын утуусун шарттады. Ал эми башкы машыктыруучу Карло Анчелотти 2 башка клуб менен бул лиганы уткан экинчи башкы машыктыруучуга айланды (Жозе Моуриньюдон кийин).

“Реал”- “Атлетико” – 4:1

Голдор: Диего Годин (36-мүнөттө), Серхио Рамос (90+3), Гарет Бэйл (110), Марсело (118), Криштиану Роналду (120)

УЕФАнын Чемпиондор Лигасы. Финал. "Реал" М - "Атлетико" М

Автор: Максат Кудайбердиев

16:16 25-05-2014

Жазылуу

РУБРИКАДАГЫ СОҢКУ КАБАРЛАР

14:52 2025-05-07 | Коом жана турмуш

Билим берүү министрлиги чет элдик студенттер окуган ЖОЖдордогу көзөмөлдү күчөтүүнү тапшырды 45 0

14:29 2025-05-07 | Түркүн дүйнө

Индия-Пакистан чек арасындагы кырдаал: Эки тараптан канча адам каза болгону айтылды 475 0

14:24 2025-05-07 | Бизнес-Инфо

Кыргызстанда 7 май – Байланыш күнү: О! командасынын атынан куттуктоо 96 0

14:20 2025-05-07 | Бизнес-Инфо

Bakai Bank ардагерлерди Жеңиш күнү менен куттуктады 95 0

13:05 2025-05-07 | Коом жана турмуш

"Күйөөм баланын майып экенин билгенден кийин кайрылып келген жок" дейт Айдай айым (видео) 642 0

13:02 2025-05-07 | Коом жана турмуш

"Япониядагы жашоом тууралуу кино тарткым келет" дейт Күн Чыгыш өлкөсүндө эмгектенген Каныкей (маек) 2070 0

Архив

Комментарийлер (12)

RukaPashnik

2014-05-25 16:32:02

куттуктайм диМарияга алкыштар болсун !!!

muslim7

2014-05-25 19:14:30

Оюнда Карвахаль менен Касильяс жаккан жок!

joodar.kg

2014-05-25 19:24:54

Чындыгында болгон кучу менен ойношту,акыры женишти Реалдыктар.Сергио Рамос жениш алып келди десе да болот,ал киргизбегенде Реал балким кубокту албай калаттыр эле.бул жерде айта кетпесе болбос Реал командасынын тренери Карло Анчолотти озунун дагы бир жолу кандай тренер экенин корсотту.

muslim7

2014-05-25 19:35:08

мыкты оюнчуну Ди Марияга эмес, Рамоско бериш керек эле. Рамос киргизбегенде Ди Мариянын оюну билинбейт болчу

realbek89

2014-05-25 19:36:29

Эмнеге коммент чыкпай жатат

maks.kg.11

2014-05-25 20:04:58

Реалга тен келе турган команда жок,реал супер.

kazatov110111

2014-05-25 21:01:26

Нala Madrid!!!!!!vamos Ronaldo!!!KR7

munar.toktoshov

2014-05-25 21:17:02

Серхио Рамостун башы алтындан! Алга Реал Мадрид.

forvard

2014-05-25 22:38:28

Реал супер!алга Серхио Рамос крассавчик

fara2503

2014-05-26 02:16:50

Рамос байке вы просто космос же сыйкырчы Реал озун европнын королу ким экенин дагы бир жолу тастыктады

Kara_kyrgyz

2014-05-26 14:10:33

Рамос красава Баварияны ургандай урду чиркин! Молочик РЕАЛ

Erma_k-dobo

2014-05-26 19:26:56

соонун оюн болду

Комментарий калтыруу үчүн өз ысымыңыз менен кириңиз же каттоодон өтүңүз.