Өлкө башчы Алмазбек Атамбаев сиам эгиздери Зита менен Гитага жардам катары 200 миң сом берди

Сиам эгиздери Резаханова Зита менен Гитага президенттин социалдык коргоо жана колдоо фондунан 200 000 сом бөлүнүп берилди. Бул тууралуу буйрукка мамлекет башчы Алмазбек Атамбаев бүгүн, 20-октябрда кол койгонун президенттин басма сөз кызматы билдирди. Эгиз кыздардын бири Зита бир жарым жылдан бери Улуттук госпиталдын ириң-хирургия бөлүмүндө дарыланууда.

Эске салсак, Зита менен Гита дүйнөдөгү ийгиликтүү ажыратылган биринчи сиам эгиздери. Аларга оор операция 2006-жылы Орусиядагы мыкты адистер тарабынан жасалган.

Автор: Жамалидин Парманкулов
Фото: Саламаттык сактоо министрлиги