Ош. Кир жуугуч жана муздаткычтарды чыгаруучу заводдон 1000ге жакын кир жуугуч машина жасалып, экспортко даярдалууда

Ош шаарындагы кир жуугуч жана муздаткычтарды чыгаруучу кыргыз-кытай биргелешкен заводунан 1000ге жакын кир жууган машина даярдалды. Бул тууралуу бүгүн, 18-ноябрда SUPER.KG порталына Ош шаарынын вице-мэри Замир Аскаров билдирди.

“Кыргыз-кытай биргелешкен “Жим-Мей” ишканасы расмий түрдө 30-ноябрь күнү ишке берилет. Учурда анда Ош шаарынын 45 тургуну атайы чакырылган кытай адистери тарабынан окутулуп, алардын колунан миңдей кир жуугуч машина чыгарылды. Алар “Авангард” деген аталышта чыгарылууда жана сапаты жагынан айрым үлгүлөргө караганда бир топ өйдө. Анын баасы 95 доллардын тегерегинде болот. Кыргызстанда чыгарылган турмуш-тиричилик техникасын алууда эми бир топ жеңилдиктер пайда болот. Азыркы тапта кир жууган машиналарды Тажикстан жана Өзбекстанга экспорттоо боюнча бир катар сүйлөшүүлөр жүрүүдө. Ошондой эле биздин кир жуугуч машиналарга Казакстандан да суроо-талаптар болууда”,- дейт З.Аскаров.

Анын айтымында, заводдо эмгектенген адистер башында 50 жарым автомат машина чыгарчу, азыр анын саны 80ге, учурда 160 даанага жетип калды. Жакынкы убакыт аралыгында күнүгө 200гө жакын кир жуугуч машина чыгаруу пландалууда.

“Завод 2 этап менен ишке киргизилет, биринчи этапта жалаң кир жуугуч машиналар чыгарылат. Ал эми 1-2 жылдан кийин муздаткычтар чыгарыла баштайт”,- деп кошумчалайт вице-мэр.

Эске салсак, кыргыз-кытай биргелешкен “Жим-Мей” заводун ишке киргизүүгө 5 миллион доллар каражат сарпталган.

Автор: Мальвина Уметбекова
Фото: Интернеттен алынды

18:09 18-11-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (9)

Arti

2014-11-18 18:16:03

Ой тооба бизде да бирдеме чыгат экен го. Ушинтип пайдалуу иштерди жасаганына кубанычтуумун.

EdikoKG

2014-11-18 18:31:56

Ой боой. Мен кутпогом мындай жанылыкты. Бизден да бирдеме онуп чыгат экен э? Албетте кытайлардын жардамы мн. Баракелде!!!)))

faha

2014-11-18 18:33:22

Uraaaa!!! bizde da zavoddor ishtep bashtaptyyyyyyrrrrr!!!

Aalyke82

2014-11-18 18:44:47

Баракелде ондурушту онуктуруш керек албетте алып сатмай нерседен бир тепкичке алдыга которулгону жакшы

tolkun85

2014-11-18 20:58:41

жакшы кабар.

Sharipa-asia

2014-11-19 01:16:36

Ой кудайга шугур, бизде жакшы жанылык

shutUP

2014-11-19 12:10:06

Биздикилер экспорт деп, озубузго асмандын баасы менен сатчу эле, ошону да контролдоп турса жакшы болмок

talant87

2014-11-19 13:13:02

дево машина чыгарабыз дегенде акчаны коп сураган экен. озбекстанга
курулган болот экенго курса 120 депутат 1ден курдуруп берсин жок дегенде самын чыгарган завот

abdykadyr

2014-11-20 01:42:40

Инвестрларды чоочутпаш керек,келген инвестрдан "шапке"сурабай.

Комментарий калтыруу үчүн өз ысымыңыз менен кириңиз же каттоодон өтүңүз.