Америкада кыргызстандык жаш сүрөтчү Айбек Ишенбековдун жеке көргөзмөсү ачылат (фото)

Америкада кыргызстандык жаш сүрөтчү Айбек Ишенбековдун жеке көргөзмөсү ачылат. Бул тууралуу Айбек мырза SUPER.KG порталына бүгүн, 20-февралда билдирди.

Көргөзмөнүн максаты - кыргыз искусствосун чет мамлекеттерге тааныштыруу. Анда сүрөтчүнүн чебер колунан жаралган 40ка чукул эмгек коюлат.

“Буга чейин кыргыздардын коомдук бирикмесинин бири чет өлкөдөгү мекендештерибизге Кыргызстандын искусствосун көрсөтүү максатында Германия жана Дубайда уюштурган жаңы жылдык иш-чарага катышкам. Анда кыргыз маданияты көрсөтүлүп, сүрөт көргөзмөсү орун алган. Ал иш-чарадан соң мага Америкада жеке көргөзмөмдү өткөрүүнү сунушташты. Виза ачуу көйгөйү чечилсе, жакынкы убакта АКШга сапар алам. Көргөзмө Чикаго же Нью-Йоркто өтүшү мүмкүн. Америкадан келгенде жеке көргөзмөмдү Кытайда өткөрөм деген оюм бар.

Чыгармачылыктын артынан көптөгөн чет өлкөлөрдө болдум. Ал жактан тартылган сүрөттөрүмдү чогултуп, күзүндө Бишкекте “Чет өлкө Айбек Ишенбековдун көзү менен” аталышында жеке көргөзмөмдү ачууну көздөп турам.

Негизи, мен этюд жанрында иштегенди жактырам. Өлкөбүздүн кайталангыс керемет жаратылышын кагазга түшүргөндөн эргүү алам. Жайында сүрөтчүлөр менен Ысык-Көлгө пленэрге чыгып турабыз. Мекенибиз бейиштин төрү болгондуктан, пейзажына суктанып тойбойм”,- дейт сүрөтчү А.Ишенбеков.

Жаратылыштын кооздугун калеми менен кармап калган сүрөтчү Айбек Ишенбеков 24 жашта. Ал баш калаадагы С.Чуйков атындагы Кыргыз мамлекеттик көркөм сүрөт окуу жайын бүтүргөн. Бир канча республикалык сынактарга катышып, байгелүү орундарга ээ болгон.

Автор: Динара Абдыкадырова
Фото: Динара Абдыкадырова

17:28 20-02-2015

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 987 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 683 0

16:22 2025-05-09 | Супер-Инфо

Геморрой жана анын түрлөрү 693 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 2014 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 758 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1356 0

Архив

Комментарийлер (8)

Nuri-Alina

2015-02-20 18:27:32

Азаматсын онорун оркундой берсин ийгилик алга +555555555555555555

Nuranna_93_kg

2015-02-20 18:35:34

Кыргызстандын желегин желбиретип журо бергиле,кыргызды дунуйого таанытып биз сиздерге окшогон чыгаан кыз-жигиттерибиз мн сыймыктанабыз.Ийгилик сага алга кыргыз!

Mushker2013

2015-02-20 21:18:46

Азаматсын, талантына таазим!

Kymbat-02-04

2015-02-20 22:53:25

Баллии азаматсыз!!!

Sadyrov_n93

2015-02-20 23:13:08

Азаматсын ушунундан тайба,менда качан максаттарыма жетет экем ээ,аз калды.

bei

2015-02-21 00:00:23

Molodec!Kuiun bala eken. Bul balanu Germaniyaga kelgende al jaktagy kyrgyz baldar tenine albai kouiptur dep jatyshty ele.

argen.kg4

2015-02-21 19:18:54

Азамат!Чыныгы талант экенсин.Ийгилик каалайм!

Erno....

2015-02-28 02:35:24

Азаматсын жигит. Алдыга койгон чон максаттарын бар экен ийгилик каалайм. Ушинтип эле кыргыз элин алыска таанытып журо бер. Бар бол колуна береке.

Комментарий калтыруу үчүн өз ысымыңыз менен кириңиз же каттоодон өтүңүз.