Жаныбек Алыкуловдун жаркын элесине арналган куудулдар сынагында баш байгени Алтынбек Ажыалиев жеңип алды

Баш байгени жеңип алган Алтынбек Ажыалиев.

Кечеге конок катары келген Мария Наумова көптөгөн музыкалык аспаптарда кол ойнотуп, өнөрүн көрсөттү.

Талант Анарбаевдин уулу Байтилек

Сахна сыртындагы даярдык.

Жаныбек Алыкуловдун уулу Манас Алыкулов.

Сахна сыртында маркум Жаныбек Алыкуловдун арбагына багышталып куран окулду.

3-мартта Бишкектеги Спорт Ордосунда куудул Жаныбек Алыкуловдун жаркын элесине арналган куудулдардын республикалык сынагы өткөрүлдү. Бул күнү Жаныбек Алыкулов көзү тирүү болгондо 55 жашка толмок. Кечени Жаныбек Алыкуловдун уулу Манас Алыкулов алып барды.

Куудулдун мааракесине карата уюштурулган сынакта Ильяз Агыбай уулу, Жакут Сыдыков, Максат Тасмаев, Назира Жетигенова, Жайнагүл Атаханова, Мээрим Мураталиева, Алтынбек Ажыалиев, Кубанычбек Миталипов, Кубан Алимов, Талант Анарбаев, Адилет Кожобергенов, “Жоролор”, “Беш тапан”, “Талант шоу” куудулдар тобу, “Дем” театры жана башкалар ат салышты. Алардын таланттарын КРнын Эл артисти Замирбек Сооронбаев, КРнын Эмгек сиңирген артисттери Күмөндөр Абылов, Келдибек Ниязов, Бек Борбиев, белгилүү куудулдар Абдылда Иманкулов жана Жамбыл Камчиев баалашты.

Сынакка катышкан куудулдар күлкү сунушуп, залды каткырыкка бөлөштү. Назира Жетигенова күйөөсү өлгөн аялдын образын жеткиликтүү ачып берип, элдин боорун эзди. “Чилденин чилтендери” берүүсүнө катышып жүрүп бутун сындырып алган куудул айым сахнага араба менен чыкты. Ал эми бул номерде анын өнөктөшү болгон Жайнагүл Атаханова жалданма кошокчунун ролун ойноп, күлкү сүйүүчүлөрдүн колдоосуна алынды.

Куудул Алтынбек Ажыалиев маркум Жаныбек Алыкуловдун образында сатирасын келиштире ойноп берип, анын элесин эске салды. Талант Анарбаев болсо өлкөнүн жети дубанындагы элдин бийлегенин туурап залды шаңга бөлөдү.

Концертте обончу, аткаруучу Абидин Темиров, ырчы Гүлжигит Сатыбеков, куудул Кубик Калыков өнөрлөрүн тартуулап өтүштү.

Жыйынтыгында калыстардын чечими менен баш байгеге “Жоролор” тобунун куудулу Алтынбек Ажыалиев татыктуу болуп, ага 100 миң сом тапшырылды. Ал эми 1-орунду ээлеген Кубан Алимовго 75 миң сом, 2-орунду багынткан Жакут Сыдыковго 50 миң, 3-орунду камсыздашкан Назира Жетигенова менен Жайнагүл Атахановага 30 миң сом, 4-орунга ээ болгон Максат Тасмаевге 20 миң сом ыйгарылды. Калган катышуучуларга кызыктыруучу сыйлыктар тапшырылды.

Куудулдар сынагында Назира Жетигенова сахнага араба менен чыкты

Автор: Динара Абдыкадырова
Фото: Динара Абдыкадырова

01:20 04-03-2015

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (11)

kama_future_millioner

2015-03-04 01:34:54

Куттуктайбыз Алтынбекти азаматсын жаш болсоңда жакшы аракет кылыпсын

oruk-zar.kg

2015-03-04 08:56:42

Бул консерттин чыгышын чыдамсыздык менен кутом баткенге да тезиреек жоноткуло

sagyn91

2015-03-04 09:09:02

Жакшы болгону корунуп турат.Азаматсыздар.

zamir.79

2015-03-04 10:14:11

Эмнеге дасторкондо Кумондор Абылов чокчоюп тордо Келдибек Ниязовтон бийик отурат.

Leili

2015-03-04 10:50:41

Сонун болуптур

M89

2015-03-04 12:19:57

Назира сакайып кет. Озун арабада отурсан уйдо эле тынч жатсаныр болмок да.

aika1405

2015-03-04 13:42:26

Жайнагулдо вообще куудулдук онор жок,голосу итиркейини келтирет.

goodman02

2015-03-04 13:43:58

Назира эжеге эмне болгон

Nur45

2015-03-04 17:53:53

Tynar jeniw kerek ele da

jora.kg

2015-03-04 18:53:44

Тынар Курбаналиев катышкан эмеспи эмне?

shukurbek

2015-03-19 02:43:40

Алтынбек азаматсын ийгилик! Суппер пародис агабыздын элесин эл алдына келтирдин азаматсын! Негизи бардык куудулдардын иштерине ийгилик бар болгула кыргыз куудулдары!

Комментарий калтыруу үчүн өз ысымыңыз менен кириңиз же каттоодон өтүңүз.