Арзуу сезим, жоопсуз махабат, достордун сүйүүгө бут тосконун чагылдырган "Ботан менен Купидон" аттуу тасманын бет ачары болду

Тасмадан үзүндү.

Сүйүү Кудайы - Купидондун ролун Тьерри Махасуру ойногон.

Башкы каарман Ботандын образын жараткан Айбек Туратбеков.

Лиананын курбусунун ролун ойногон Каныкей Ринатова.

Фильмде терс каармандын ролун жараткан Атай Кененбаев.

Тасмада Лиананын ролун жараткан Зулайка Эркимбаева.

Тасманын режиссёру Нурлан Разакулов.

Тасманын каармандары.

Тасманын башкы каармандары.

Тасманы алгачкылардан болуп көрүүгө келгендер.

Бүгүн, 19-мартта Бишкектеги "Манас" кинотеатрында "Ботан менен Купидон" аталышындагы комедиянын бет ачары болду. Фильмдин режиссёру Нурлан Разакуловдун айтымында, тасма жаштарга арналып тартылган. Андан арзуу сезимдерин, достордун сүйүүгө бут тосконун, жоопсуз махабатты көрүүгө болот.

Башкы каарман Байэл университетте мыкты окуган студент. Бирок өзүнө ишенбеген, тартынчаак жигит. Ушундан улам ал жакшы көргөн кызы Лианага сезимдерин айта албай кыйналат.

Ага Сүйүү Кудайы делген Купидон келип жардам берет. Бирок Лиананын кыялы чатак болгондуктан, Купидон бул жаатта бир топ эле кыйналат. Анын аракети күлкүлүү окуялар менен коштолуп, башкы миссиясын аткарат.

"Сүйүү темасын дайыма актуалдуу деп эсептейм. Негедир социалдык темаларды козгогум келген жок. Тасма башынан аягына чейин сүйүү темасын сүрөттөйт. Анткени кинотеатрларга эл эс алуу үчүн келгендиктен, жакшы маанай тартуулоо башкы ниетим болду. Сүйүүнү жаштардын тили менен жеткирүүгө аракет кылдым. Фильм бир айдын ичинде тартылып бүттү. Каармандарды кастинг аркылуу тандап алдык. Алар дагы фильмге идеяларын кошушту",- деди Нурлан Разакулов.