Гүлзинат Суранчиева жеке концертинде роялда кол ойнотуп көрүүчүлөрдүн колдоосуна арзыды

Гүлзинат Суранчиева күйөрмандары менен.

Гүлзина Суранчиеванын шакирти Залкар.

Бүгүн, 21-мартта борбор калаадагы Т.Сатылганов атындагы Улуттук филармонияда кыргыз эстрада ырчысы Гүлзинат Суранчиева Нооруз майрамына карата жеке концертин тартуулады. Майрамдык концертти Айпери Суранчиева менен Алтын Камчиев алып барышты. Кечеде ажарлуу айым мукам үнү менен кулакка сиңген популярдуу жана жаңы жазылган кайрыктарын созуп, роялда кол ойнотуп, чыгармаларын жандуу үн менен аткарды. Залга толгон күйөрмандары талантына баа берип, кол чаап отурушту. Сүйүү, жашоо, эне жөнүндө ырларын аткарып берген ырчыны “Береке” бий ансамблинин бийчи кыздары коштоп жатышты. Ошондой эле Бишкектеги П.Шубин атындагы музыкалык мектептин өнөрпоздору менен бирге ырдады. Көзү өткөн чыгармачыл инсандарга арналган “Булбул таңшыйт” аттуу муңдуу ырын аткарып жатканда экранда атагы чыккан артисттердин сүрөттөрү көрсөтүлүп турду.

Гүлзинат айымды куттуктап конок катары келишкен КРнын Эмгек сиңирген артисти Айчүрөк Иманалиева, ырчылар Замир Мырза, Урмат Усенов, Неля, Азамат Сарыбаев, Иса Өмүркулов, Залкар, "Кара-Жорго №1" тобу жана шакирттери Залкар жана Саида Тынчтыкбек кызы ыр белек сунушту.

Андан тышкары "Тамашоу" долбоорунун "Позитифф" командасы залды күлкүгө бөлөсө, "Кубаныч" бий тобу лезгин бийин бийлеп берди. 2,5 саатка созулган жеке концерт ырчынын "Мекеним Кыргызстан" аттуу чыгармасы менен соңуна чыкты.

“Концерт коюу көп эмгекти талап кылгандыктан, жыл башынан бери даярдык көрдүм. Сахнага чыкканда эле көрүүчүлөрдүн жылуу тосуп алышканын көрүп төбөм көккө жетти. Негизи, алардын кол чабуусунан, мени менен кошо ырдаганынан, жакшы көрүп карап турган көздөрүнөн позитивдүү энергия алам. Өзүмдү бактылуу сезип, кайра-кайра концерт бергим келе берет”,- деди толкунданган Г.Суранчиева.

Гүлзинат Суранчиева 70 окуучусу менен концерт берди

Автор: Динара Абдыкадырова
Фото: Динара Абдыкадырова

22:48 21-03-2015

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (8)

TAION

2015-03-22 00:00:39

Abdan jakwy boluptur.yrlary, unu jagat maga. Aiperi Suranchieva sindisi bolubu owondo?

ilim2009

2015-03-22 00:21:59

Жакшы концерт тартуулаптыр

ELIMA91

2015-03-22 01:43:42

Ырчы катары жакшы таныйм, бирок бир да уккулуктуу эсте калган ыры жок го дейм. Аракет бар ырчы кызыбызда)) куйормандары уулу муундагы адамдар экени корунуп турат суротто.

begai93

2015-03-22 02:41:17

ELIMA91, мен дагы ырчы деп жакшы эле тааныйм бир ырын да билчумун бирок азыр аны да эстей албай койдум :) кантседа ийгилик !

aika1405

2015-03-22 09:26:29

Жакшы,жакшы койнокторунун онун озгортуптур,а то кечке эле фиолетовый цветтен эле ар турдуу койнок кие берчу.

Kalin466

2015-03-22 14:43:35

Бир да ырын эстей албай койдум деп жазайын десем уже давно эле жазып коюпсунар. Значит я не одна такая.

chonko.samat7

2015-03-22 15:51:44

кайны журутун суротко тартыптырго.

kutkeldisulu

2015-03-23 02:00:29

мен да билбейт экем ырларын

Комментарий калтыруу үчүн өз ысымыңыз менен кириңиз же каттоодон өтүңүз.