Бишкекте “Ак илбирс” Улуттук киносыйлыгында “Курманжан датка” тасмасынын жаратуучулары 12 наамдын 9уна ээ болушту

"Аку" анимациялык тасмасынын жаратуучусу Төлгөбек Койчуманов

"Мыкты кыска метраждуу тасма" наамын Чолпонай Бөрүбаеванын "Топурак" тасмасы утуп алды.

Жылдын эң кирешелүү тасмасы "Курманжан датканын" продюсери катары сыйлыкты депутат Жылдызкан Жолдошова алды.

"Курманжан датка" тасмасынын режиссёру Садык Шер-Нияз

Бүгүн, 16-майда Бишкекте IV “Ак илбирс” Улуттук киносыйлыгы 12 номинация боюнча жеңүүчүлөргө ыйгарылды. Бир апта мурун бул сыйлыкка үчтөн талапкерлердин тизмеси жарыяланган. Бул күнкү иш-чарада режисcёр Эрнест Абдыжапаров Айнура аттуу окуучусу менен биргеликте алып баруучулук милдетти аркалады.

Көрсөтүлгөн 12 номинациянын 9унда “Курманжан датка” тасмасындагы эмгектер биринчиликти багындырды. Ошондой эле жыл ичиндеги мыкты эмгектердин катарына “Көч” жана “Аку” тасмаларын кошууга болот, себеби бул тасмалар көптөгөн сыйлыктарда “Курманжан датка” тасмасына атаандаштык түзүштү.

"Курманжан датка" тасмасынын жаратуучулары "Мыкты тасма", "Мыкты режиcсёр", "Мыкты сценарий", "Мыкты оператор", "Мыкты композитор", "Мыкты үн режиcсёру", "Мыкты монтаж", "Мыкты мырза ролу", "Мыкты айым ролу" наамдары боюнча жеңүүчү аталышты. Ал эми "Мыкты кыска метраждуу тасма" наамын Чолпонай Бөрүбаеванын "Топурак" тасмасы утуп алды. "Мыкты даректүү тасма" наамына Аманбек Ажымат "Физрук, алтын жана дарыя" тасмасы үчүн ээ болду. "Мыкты сүрөтчү" наамын "Аку" анимациялык тасмасынын жаратуучусу Төлгөбек Койчуманов багындырды.

Буга улай Сагынбек Ишеновго “Кыргыз кинематографиясына кошкон зор салымы үчүн”, Али Хамраевге “Дүйнөлүк кинематографияга кошкон салымы үчүн” деген сыйлыктар тапшырылды. Ошондой эле казак режиссёру Адильхан Ержановдун “Хозяева” тасмасы “Борбордук Азиянын мыкты тасмасы” наамы боюнча жеңүүчү аталды.

Автор: Максат Кудайбердиев

22:06 16-05-2015

Жазылуу

РУБРИКАДАГЫ СОҢКУ КАБАРЛАР

14:24 2025-05-10 | Спорт

Ирандагы мелдеште кыргыз балбаны Бекзат Алмаз уулу алтын тагынды (видео) 138 0

13:40 2025-05-10 | Коом жана турмуш

Бишкекте жер алдынан өтүүчү өтмөктүн курулушу башталды. Кайсы көчө жабылды? (видео) 386 0

13:00 2025-05-10 | Коом жана турмуш

Жалал-Абад шаарына курулуучу аэропорттун долбоору жарыяланды 613 0

12:39 2025-05-10 | Спорт

Эртең кыргыз мушкери Валентина Шевченко франциялык Фиоро менен беттешет (видео) 408 0

11:46 2025-05-10 | Коом жана турмуш

Бишкекте Жеңиштин 80 жылдыгын утурлай Чолпонбай Түлөбердиев атындагы музей ачылды 343 0

11:08 2025-05-10 | Коом жана турмуш

Садыр Жапаровдун жерге жармаштырылган желекти алып, чөнтөгүнө салган видеосу тарады 2560 1

Архив

Комментарийлер (6)

Gen_fanat

2015-05-16 22:19:25

мен ушу кинону интернеттен коруп аягына чыккыча зеригип кеттим, бекер эле кылыптыр... Ушунча акча кино тарт деп бергенде жонокой адамда жакшы тартат. Кино мынчалык мактоого татыктуу эмес.

ALSU2010

2015-05-16 22:56:49

туптуура

ALSU2010

2015-05-16 22:57:13

мага деле ото жаккан жок...бирок ар кимдин ою ар башка...

Jyrgal_msk

2015-05-17 00:16:36

Мага да ,,Курманжан датка"тасмасы анча жакпады.Сценарий жакшы болгон,бирок тасма жакшы тартылбай калган.,,Ак илбирстин тукуму",,"Махабат дастаны" тасмаларынын денгээлине жетпейт.Т.Океев,Б.Шамшиев,Д.Садырбаев кыргыздын чыгаан режиссерлору болгон экен.

Kara-kulzha

2015-05-17 22:12:38

Курманжан Датка сонун эле тартылган.

Мэри

2015-05-18 10:21:59

Калыстык болгонбу же чын эле татыктуубу, "Курманжан датка" 12нин 9ун алса... Башкы каармандар (Курманжандын ролундагы) сыйлыкка илинишкен эмеспи, көрүнүшпөйт го... Менимче, басым ошолорго жасалыш керек эле да, анткени тасма "Курманжан датка" деп аталып, негизги жүктү ошолор алып жүрсө керек (мен тасманы көрө элекмин, бир нерсе деш кыйын болуп жатат). Же Курманжандын образы ачылбай калганбы, жеткиликтүү ойношкон эмеспи...

Комментарий калтыруу үчүн өз ысымыңыз менен кириңиз же каттоодон өтүңүз.