Бишкекте айымдарга өзүнө кам көрүүнүн сырларын үйрөткөн сулуулук жаратуучулардын көргөзмөсү ачылды

Бүгүн, 8-октябрда борбор калаадагы Г.Айтиев атындагы Көркөм сүрөт музейинде сулуулук индустриясындагы адистештирилген көргөзмө ачылды. Экинчи жолу өткөрүлүп жаткан иш-чаранын ачылышына ЖКнын депутаты Ирина Карамушкина, стилист Замира Молдошева катышты. Көргөзмөнүн уюштуруучусу Феруза Яхъярова: “Салтка айланган сулуулук майрамын өткөрүп жатабыз. Көргөзмө тажрыйба алмашууга, жаңы агенттерди, дистрибьюторлорду табууга, бренддерди чыгаруу жана өнүктүрүүгө шарт түзүүчү аянт болуп калат деп ишенебиз”,- деди.

Иш-чаранын алкагында адистер териге кам көрүү, макияж жасоо, тырмак боёо, чач жасалгалоо боюнча мастер-класска күбө болушат. 4 күнгө созулган көргөзмөдө кирпик өстүрүү, маникюр боюнча адистердин, чачтарачтардын арасында сынак орун алат.

Автор: Айпери Ганыжан кызы
Фото: Айпери Ганыжан кызы