Сооронбай Жээнбеков Жалал-Абад облусунун жер көчкү жана сел орун алган райондорун кыдырат

Премьер-министр Сооронбай Жээнбеков 6-7-май күндөрү иш сапары менен Жалал-Абад облусунда болот. Сапардын жүрүшүндө өкмөт башчы жакын арада сел жүргөн Аксы районуна барат. Ошондой эле Сузак районунун Алмалуу-Булак айылына барып, кырсык кесепеттерин жоюу иштери менен таанышат.

Жер-жерлердеги абал тууралуу маалыматты өзгөчө кырдаалдар министри Кубатбек Боронов жана жергиликтүү мамлекеттик администрация жетекчилери беришет. Иш сапардын алкагында Жээнбеков Бишкек-Ош унаа жолунун абалы менен таанышмакчы. Бул тууралуу өкмөттөн кабарлашты.

Автор: Жамалидин Парманкулов