Өмүрбек Текебаев президенттик шайлоого катышышы мүмкүн

"Ата Мекен" фракциясынын лидери Өмүрбек Текебаев президенттик шайлоого катышышы мүмкүн. Текебаев мындай оюн бүгүнкү маалымат жыйынында журналисттер тарабынан берилген суроого жооп берип жатып билдирди. Бирок азырынча бир чечимге келе элек. "Катышам же катышпайм деп айта албайм. Мүмкүн, катышам, бирок бул жерде менин эмес, өлкөнүн келечеги тууралуу маселе козголуп, көйгөй жаратып жатат. Конституцияга өзгөртүү киргизүү өлкөнү 2010-жылга чейинки кырдаалга алып келиши мүмкүн", - деп жооп берди.

Автор: Жамалидин Парманкулов