Ысык-Көлдө кош бойлуу аялды төрөтө албай, чарчап калган баланын башын кесип ажыратып алышкан. Акушерлерге кызматтык иликтөө дайындалды

Ысык-Көл облусунун Ананьево айылында аялды төрөтө албай коюшкан акушерлерге карата кызматтык иликтөө дайындалды. Бул тууралуу бүгүн, 28-февралда Саламаттыкты сактоо министрлигинин медициналык жардам көрсөтүү башкармалыгынын башкы адиси Раиса Асылбашева SUPER.KG порталына билдирди.

Маалыматка ылайык, кош бойлуу Асель Сантасова айылдык ооруканага барган. Түйүлдүк чоң болгондуктан, акушерлер төрөтө албай, баланын башы чыккан бойдон Чолпон-Атаны көздөй жөнөтүшкөн. Ымыркай шаардык ооруканага жетпей, жолдо каза болгон.

"Окуя январь айында болуптур, ал эми бизге ушул айда гана белгилүү болду. Мындан улам бул окуя тууралуу министрликке өз убагында айтылбаганы үчүн оорукананын жетекчилери да жоопко тартылат. Учурда кызматтык иликтөө жүрүп жатат. Жакын арада жыйынтыгы чыгып, чечим кабыл алынат. Күнөөлүү дарыгерлерге карата катуу жаза колдонулат", - деди башкы адис.

Раиса Асылбашеванын айтымында, дарыгерлердин колунда атайын протокол бар. Ар бир дарыгер ал протоколго жараша иш алып барууга тийиш.

"Дарыгер протоколду көбөйтүү жадыбалындай жатка билип, ага ылайык иш кылышы керек. Бул жерден акушер өзүнө ишенип, 5-төрөт болсо өзү төрөйт деген ойдо да болсо керек. Түйүлдүк чоң болчу экен. Акушер керектүү деңгээлде жардам көрсөтүп, төрөттү кабыл алууга мүмкүнчүлүгү жок болсо, энени тиешелүү деңгээлде шарттары бар ооруканага жибериши керек болчу. Эгер өтө шашылыш болуп калса, шаардагы дарыгерлер чакыртылышы зарыл", - деди Асылбашева.

Ананьеводон Чолпон-Атага Асель Сантасова 1,5 саатта келген.

"Чолпон-Атага келгиче ымыркай чарчап калган. Биз күнөөлүүлөрдү актабайбыз. Ал жактан дарыгерлер энени сактап калышы үчүн болгон аракетин кылып, арга жоктон баланын башын денесинен ажыратышкан. Бул операция энени сактап калыш үчүн жасалган", - деп жыйынтыктады өз сөзүн Саламаттыкты сактоо министрлигинин медициналык жардам көрсөтүү башкармалыгынын башкы адиси Раиса Асылбашева.

Автор: Үмүт Абдраимова

10:01 28-02-2017

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (11)

aiba_00

2017-02-28 10:31:53

Элестеткиле баланын башы чыккан боюнча, кайдигерлик, байкуш бала кыйналды го мына мына жарык дуйнону кором дегенде чарчап калды, 4чубу 5 чиби торот деген торот да врачтар ушунча кайдигер болушат, ойй озун эле торойсун деп.

+23

Boldukan86

2017-02-28 10:52:56

иии ХХХ. журокту титиреттиго. коркуп да каласын ушундайларды окуп угуп коруп журуп. эмне кесип да чыгаруу жолу болбоптурбу.

Ananai

2017-02-28 11:02:31

Тороттон аялдар коп олуп атышат акыркы кундору.Кооптонуу башталды.Негизи эле врачтыка окуйм дегендер татыктуу окугулачы тентиребей....

+27

meni_kut

2017-02-28 11:03:42

головорезы

-2

madina.87

2017-02-28 11:50:39

Илгери энелерибиз уйдо эле 14-15 балага чейин тороп этегине салып багып алышкан.
Азыр бардык нерсе химикат,жаш энелерде ал-куч жок,торот ушунчалык оор.
Беш бала торосо тан калабыз кантип деп.

Adahan.myrza

2017-02-28 12:10:28

журогум эзилип кетти окуп алып. Аллахым озун сакта пенделеринди

karona

2017-02-28 12:34:12

Ото окунучтуу ((( энеге сабыр тилейбиз...

surgeon777

2017-02-28 15:17:22

туйулдук чон экенин коргондо эле кесорево сечение жасаш керек болчу!кантип ушуну ойлошкон жок!чон туйулдукту башынан эле кылдаттык менен наблюдение кылып,боюнда жургондо эле даярдалышы керек торотко,жана тороттун туру тандалып алынат.

baltabai

2017-02-28 18:46:34

Өкунчту

nuri2605

2017-02-28 22:19:40

Журогум ооруп кетти, байкуш наристе. А энеси кантти экен, кудайым сабыр берсин.

tyrgon

2017-03-07 19:09:58

окмоттун кайдыгерлиги

Комментарий калтыруу үчүн өз ысымыңыз менен кириңиз же каттоодон өтүңүз.