Талантбек Батыралиев: "2016-жылы Кыргыз жарандарынын орточо жаш курагы 70 жашка жетти"

2016-жылы Кыргыз жарандарынын орто жаш курагы 70 жашка жетти. Бул тууралуу бүгүн, 3-мартта КСДП фракциясынын жыйынында Саламаттыкты сактоо министри Талантбек Батыралиев билдирди. Анын айтымында, 90-жылдары Кыргыз жарандарынын орто жаш курагы 68 жашты түзгөн.

"2016-жылдагы статистикалык маалыматтарга ылайык, жарандардын орточо курагы жогорулады. Эркектердин жашы 4 пайызга, аялардын жашы 3 пайызга узарды. Аялдар эркектерге караганда 7 жашка көп жашай турганы белгилүү болду", - деди министр.

Батыралиев энелер менен балдардын өлүмү кыйла кыскарганын белгиледи.

Учурда аталган фракциянын жыйынында Саламаттыкты сактоо тармагынын абалы талкууланып жатат.

Автор: Жылдыз Джускембаева
Фото: Жылдыз Джускембаева