Социалдык өнүгүү башкармалыгы: "7 балама жөлөк пул чыкпай калды" деген аялга жөлөк пул бөлүнгөн"

Нарын районуна караштуу Жерге-Тал айылынын жашоочусу Асел Ибраева 7 баласына 7 миң 200 сом өлчөмүндө жөлөк пул алды. Бул тууралуу, бүгүн 10-мартта Нарын райондук социалдык өнүгүү башкармалыгынын башчысынын орун басары Гүлзат Сардарбекова билдирди.

Анын айтымында, бул үй-бүлөнүн балдарына жөлөк пул 28-февраль күнү эле берилген.

"Мен почточудан сурап, атайын тактагам. Аселдин жолдошу өзү акчаны алып кеткен экен. Январь айында жолдошунун жумуштан бошогондугу тууралуу документтерди алып келишкен. Февраль айынан тартып жөлөк пул чектеле баштады. А.Ибраимованын "акча бериле элек", - деген маалыматын окугандан кийин жолдошу экөөнү тең чакырдым. Азыр почточу менен келишти, акчаны алгандыктарын аныктадык", - деди Г.Сардарбекова.

Асел Ибраева, жолдошу Токтогул Исаков жана почточу

Ал эми Асел Ибраевага байланышканыбызда, жөлөк пулду жолдошу алгандыгын, бирок аны Аселге айта элек экенин билдирди.

Жолдошу Токтогул Исаков мынчалык ызы-чуу кылуунун кажети жок экенин айтат.

"Колуктум шаарда ооруканада болчу, буга байланыштуу акчаны мен алгам. Азыр эле шаардагы ооруканадан келди. Биздин райондук социалдык өнүгүү башкармалыгына эч кандай дообуз жок", - деди А.Ибраеванын жолдошу.

"Токтогул Исаков жумушка орношкондугуна байланыштуу үй-бүлөсүнүн минималдуу кирешеси эсептелинген. Үй-бүлөгө тиешелүү болгон үлүш жерлер да киреше булагы катары нормаларга ылайык каралат. Мындан улам 2015-жылы Токтогул Исаков жумушка орношкондо балдарына жөлөк пул токтотулган. Кайрадан жыл башында жумуштан бошогондугу тууралуу документтерди алып келишти, февралдан тартып ай сайын 7,200 сомдон жөлөк пул берилет", - деп кошумчалады Г.Сардарбекова.

Автор: Кызжибек Раимова
Фото: Гүлзат Сардарбекованыкы

18:05 10-03-2017

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 320 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 318 0

00:36 2025-05-16 | Түркүн дүйнө

Франция Иранды Эл аралык сотко берет 372 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 311 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 906 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 649 0

Архив

Комментарийлер (8)

shumkar929292

2017-03-10 18:12:54

Ошон учун почточулар ар бир жолок пул пенсияны ар кимге бере бербей оздорунун колуна бериш керек ал атасына жазылган эмес апасына берилет да озу кайнене кайнатасы келсе деле берип койгондор бар озуно берсенер мындай нерселер болбойт эч качан

engel

2017-03-10 18:18:22

Obu joktor aa! Jon ele internetke chykkysy kelgender go surotko tushup alyshyptyr jakshynakay bolup. Kuyoosu aityp ele koiboibu olumush bolboi!

-2

anuvar0903

2017-03-10 18:24:52

админ стамбулдагы авиякырсык жонундо маалымат жазгылачы

Abubakir05

2017-03-10 19:03:25

Албаса да алды кылып туура кылып ондоп койушту да.

Beka.kaba

2017-03-10 20:09:26

Ошо да

Beka.kaba

2017-03-10 20:09:47

Куйоосу кантип айтпай коймок еле

anonymous

2017-03-11 00:17:34

Кызык айлыгы 2800 с болсо андан көрө үйдө бекер жат дагы 7200 сом ал деген мамлекеттин саясатына түшүнбөдүм

tokitok

2017-03-11 00:41:32

ошоо да дени сак адамдар бекер жатып алып акча алып жатышат. биз деле ошентсекпи?кайф жашоо. бирок бет чыдабайт.

Комментарий калтыруу үчүн өз ысымыңыз менен кириңиз же каттоодон өтүңүз.