ЖЫЛНААМА, 13-МАРТ: 140 жыл мурун сууктан сактоочу кулакчын (наушник) патенттелген

Честер Гринвуд

Мындан 140 жыл мурун, 1877-жылы 13-мартта АКШнын Мэн штатындагы Фармингтон шаарынын тургуну Честер Гринвуд аттуу өспүрүм кулакчынга (наушник) патент алган. Аны жасоо идеясы коньки тээп жүрүп кулагын катуу үшүтүп алган соң пайда болгон. Жыл өткөн сайын ойлоп табуучу анын сапатын жакшыртып, өзү каалагандай жыйынтыкка жеткен.

Кийин ал кулакчындарды чыгаруучу фирма ачып, өмүрү өткөнчө 100 ар түрдүү ойлоп табууларды чыгарган. Алардын арасында ышкырыгы бар чөөгүн дагы бар. Ч.Гринвуддун туулган штатында жыл сайын 21-декабрда "Честер Гринвуддун күнүн" белгилешет.

13-мартка карата жылнаама

Автор: Саадат Токтоболот кызы