Айыл өкмөтү: "Үч эмдин ата-энесине үй таап жайгаштырмайынча аракетибизди токтотпойбуз"

"Исаевдердин үй-бүлөсү мурда агасынын үйүндө жашашчу. Ал үй авариялык абалда болгондуктан өмүргө коркунучтуу", - дейт айыл өкмөт башчысы.

"Үч эмдин ата-энесине үй таап жайгаштырмайынча аракетибизди токтотпойбуз", - деп билдирди бүгүн, 14-мартта Ак-Талаа районунун Жерге-Тал айыл өкмөтүнүн башчысы Гүлмайрам Учугенова. Анын айтымында, Капарбек Исаевдин үй-бүлөсү аз камсыз болгон үй-бүлөлөрдүн тизмесине киргизилген.

Айыл өкмөт башчысы белгилегендей, 8 баланын энеси Айгүл Чотурова үч эм балдарын төрөгөндө бара турган ылайыктуу үйү жок болгондуктан 15 күн төрөт үйүндө жаткан.

"Ак-Талаанын акими, облустук өкүлчүлүктүн социалдык өнүктүрүү башкармалыгынын башчысы болуп үчөөбүз батир таап, төрөт үйүнөн алып чыкканбыз. 19-мартта батирдин ижара мөөнөтү аяктайт. Айыл өкмөттүн муниципалдык балансында үй жок. Ак-Талаа дотацияда турган район. Учурда аким да кайрымдуу адамдарга кайрылып, бул үй-бүлөнүн турак жай маселесин чечип берүү аракеттерин көрүп жатат.Саясий партияларга, кайрымдуулук фонддорго кайрылдык, күнүмдүк керектөөлөргө жардам бергендер бар, бирок үй маселеси курч бойдон калууда", - деди Г.Учугенова.

Белгилүү болгондой, Исаевдердин үй-бүлөсү мурда агасынын үйүндө жашашчу. Ал үй авариялык абалда болгондуктан өмүргө коркунучтуу.

"Бул үй-бүлө өздөрүн толук камсыздай албай балдары да чачырап кетти. Туугандарынын үйүнө 2 баласын жиберишкен. Күйөөсү от жаккыч болуп ишке кирген, айлыгы 5 миң сом экен. Анткени менен Айгүлгө бала караганга жардамдашканга адам жок, күйөөсү жумушка кеткенде кыйналып калып жатат. Облус башчысы балдарга коляска алып берди. Түштүк тарапта үч эм төрөгөндөргө жакшы көңүл бурулуп, көп жардамдар берилет. Алардын потенциалы жогору деп билем. Биз бул үй-бүлөгө жардам көрсөтө ала турган кайрымдуу жарандарды издеп жатабыз", - деп сөзүн жыйынтыктады айыл өкмөт башчысы.

Автор: Кызжибек Раимова
Фото: Гүлмайрам Учугенова

12:27 14-03-2017

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 320 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 318 0

00:36 2025-05-16 | Түркүн дүйнө

Франция Иранды Эл аралык сотко берет 372 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 311 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 906 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 649 0

Архив

Комментарийлер (3)

kamchatka

2017-03-14 13:16:19

Айыл окмоту озун пиар кылбай эле койсо болмок озу бийликте туруп алып суйлогон сузун ананда туштук тарап деп болуп айтканы туура эмес деп эсептейм !

-11

adimyrza

2017-03-14 14:07:32

kamchatka,создун маанисине карап анан ойунарды жасанар не озунан туштук деген соз чыкса эле болгон болобу мен туштуктон болом озум эч кандай болгонун коргон жокмун бул жерде

nur_zhoni

2017-03-15 00:39:04

Окмотубуз болбогон жакка акча жумшашат тош белги алганга тендер жарыялайбы кол саат алабыз дейби ушундай уй булону коруп эли ушундай кыйынчылыкта болсо кантип ошол тош белгини кол саатты тагып журот

Комментарий калтыруу үчүн өз ысымыңыз менен кириңиз же каттоодон өтүңүз.