Өзгөндө көчкүдө калгандарга шашылыш окулган жаназа боюнча дин ишмери өз оюн айтты

Өзгөн районунун Аюу айылында көчкүдө калгандарга шашылыш окулган жаназа боюнча Аалымдар кеңешинин төрагасынын орун басары Марс Ибраев жооп берди.

“Мусулман адамы болгондон кийин маркумду жаназа окуп аркы дүйнөгө узатышыбыз керек. Эми түрлүү кырсыктар болуп калганда сөөктү жууп, кепиндөөгө мүмкүнчүлүк болбосо да, сөзсүз аларга арнап жаназа түшүрүш керек. Адам жаны чыккандан кийин 2-3 күндүн ичинде денеси шишип баштайт, жаназаны болсо ага чейин окуп калбаса кийин түшпөйт. Биз ошол мусулманчылык милдетибизди аткардык бүгүн”, - деди Ибраев.

“Эгерде изделип жаткан жансыз денелер жаназадан кийин чыгып калса, туугандары аны каалаган жайына алып барып жаназа окубай эле көмүп койсо боло берет. Жаназа окулуп калса эле сөөктөрдү издөө иштери токтоп калат деп ойлобош керек. Мүмкүн дале болсо топурак астында тирүүлөрү бардыр”, - деп кошумчалады ал.

Эскерте кетсек, 29-апрель күнү саат 06:40 чамасында Өзгөндө 200 миң куб метр жер көчкү түшүп, натыйжада 7 турак үйдү басып калган. Алдын ала маалымат боюнча, болжол менен 6 үйдө 24 жаран көчкү алдында калып калышкан. Азыркы убакытка чейин 3 адамдын жансыз денелери табылган. Бүгүн, 2-майда саат 15:00дө Өзгөн районуна караштуу Аюу айылында жер көчкүдөн набыт болгондорго жаназа окулган.

Автор: Нургазы Аматов

18:30 02-05-2017

Жазылуу

РУБРИКАДАГЫ СОҢКУ КАБАРЛАР

13:57 2025-07-08 | Кылмыштар, кырсыктар

Орусияда 27 жыл мурун 11 жаштагы кызды зордуктаган шектүү эми кармалды 88 0

13:46 2025-07-08 | Кылмыштар, кырсыктар

Бишкектеги банктардын биринен өрт чыкты 131 0

13:45 2025-07-08 | Коом жана турмуш

Виного ууланган... Орусияда 10 жашар бала реанимацияга түштү 67 0

13:39 2025-07-08 | Түркүн дүйнө

30 адам өлкөдөн чыгарылды...Москвада мыйзамсыз мигранттарга карата рейд жүргүзүлдү 191 0

13:39 2025-07-08 | Кылмыштар, кырсыктар

Чүйдө Мерседес-Бенц менен Скутер сүзүшүп, бир адам каза болду 127 0

13:30 2025-07-08 | Түркүн дүйнө

Армениянын парламентинде мушташ чыгып, жыйын токтотулду 204 0

Архив

Комментарийлер (5)

birtanem

2017-05-02 18:47:01

Аллах баарын бейишин .,берип,кабыр азабынан , тозок отунан сактасын. Бейишин берсин (Амин)

+17

Samandar

2017-05-02 18:58:04

Эх жаман иш болдуда билгизбей жургон менен канча сабырдуу бололу десек да ичибизден куйут кучоп чок болуп жанып турат , бейишин берсин бир туугандардын

+11

suban78

2017-05-02 19:06:47

Бейиштин торунон орун бер Кудайым,

+10

melashka

2017-05-02 20:09:09

Жайлары жаннат болсун! Калгандары табылып калсын Аллах.

Kroxa

2017-05-03 07:38:56

Жаназасын окуп койсо деле казып таап кепиндеп комушсун мусулманча..согуш маалы беле калтырып салгыдай..

Комментарий калтыруу үчүн өз ысымыңыз менен кириңиз же каттоодон өтүңүз.