Бишкекте "Балдар, абайлагыла!" аттуу унаа жүрүшү болду

Унаа жүрүшү Фрунзе-Исанов көчөлөрүнүн кесилишинде

Панфилов атындагы сейил бакта жаш испекторлорго балмуздак таратылды

Жаш инспектор Дауд

№1-мектеп гимназиясынын окуучулары

Жүрүш борбордук "Ала-Тоо" аянтына токтоп, ал жерде кыска акция өттү

Жаш инспектор

Мектеп окуучулары ушул унаа менен шаар аралап жүрүштү

Унаа жүрүшүн "Тез жардам" кызматы да коштоп жүрдү

Жүрүш шаардыктардын көңүлүн бурду

Үн күчөтүүчү жабдык менен ата-энелерге жана айдоочуларга жол эрежесин сактоо тууралуу эскертүү берилип жатты

Жүрүш шаардыктардын көңүлүн бурду

Мына ушундай жазуулар менен унаа жүрүшү өттү

Жүрүш учуру. Байтик баатыр көчөсүндө...

"Балдар, абайлагыла!" аттуу унаа жүрүшүнүн башталышы

ИИМдин Жол-кайгуул кызматынын кызматкери Тилек Оторов

23-майда Бишкекте “Балдар, абайлагыла!” аттуу унаа жүрүшү болду. Айта кетсек, бул акция балдардын жол кырсыгына кабылышын азайтуу, жол коопсуздугу боюнча ата-эне жана айдоочуларга эскертүү берүү максатында уюштурулду. Жүрүш борбордогу Жол кыймылынын коопсуздугун көзөмөлдөө башкы башкармалыгынын имаратынан башталып, Байтик баатыр, Абдырахманов, Чүй көчөлөрү, борбордук "Ала-Тоо" аянты, Абдымомунов, Панфилов, Фрунзе, Манас көчөлөрүнөн өттү. Иш-чарага шаардагы бир катар мектептердин 8-классынын окуучулары, жаш инспекторлор катышты. Аталган мекеменин кызматкери Тилек Оторовдун айтымында, мындай акциялар кырсыктын алдын алууга жардам берет. “Акция жылына 2 ирет өткөрүлөт. Иш-чарага сөзсүз мектеп окуучулары да катышып келет. Бардык жаш өспүрүмдөргө, ата-эне жана айдоочуларга “жолдо этият болгула!” деп айтар элем”,- деди Тилек мырза. Жүрүш учурунда мектеп окуучуларына бекер балмуздак таратылды.

Айта кетсек, Бишкекте 4 ай ичинде 764 жол кырсыгы катталып, 31 адам каза таап, 961 адам оор абалда ооруканага жеткирилген. Жаш балдар катышкан 136 жол кырсыгы катталып, 1 өспүрүм көз жумган.

Автор: Мээрим Жеңишбек кызы
Фото: Мээрим Жеңишбек кызы