Сыймык Жапыкеев кыргыз тили сынагынан өттү

Жоюлуп кеткен Финансы полициясынын мурдагы төрагасы Сыймык Жапыкеев кыргыз тили боюнча сынактан өткөнүн билдирди.

Ал соцтармактагы баракчасына сынактын жыйынтыгы чыкканын жазып, колдоо көрсөткөндөргө ыраазы экенин белгиледи.

Эске салсак, Жапыкеев 15-октябрда президенттик шайлоого катышуу үчүн кыргыз тилинен сынак тапшырып, кулап калганын айткан. Ал "Кыргызтесттин" сынактан өткөрбөй коюшун шайлоо алдындагы бут тосуу катары сыпаттаган. 19-октябрда ал тынчтыкты бузууга айыпталып милицияга жеткирилгени маалым болгон. Жапыкеев себепсиз кармалып турганын, ал күнү тест тапшырмактыгын айтып чыккан. 21-октябрда ал кайрадан сынак тапшыруу үчүн "Кыргызтестке" барганын кабарлаган.

Автор: Кылымбек Бейшеев