СУПЕРСТАН: "Сени сыйлап, сен үчүн кыйынчылыктарга чыдап, күрөшүп келе жатканымды баала, бил, баркта..."

SUPER.KG порталынын "Суперстан" бөлүмүндө "Буулугуп турам..." деген тема талкууга алынууда. Темада автор үй-бүлөсүндөгү абал тууралуу айтып, жан дүйнө жаңырыгы, таарынычы, аны капаланткан жүрөк сыры менен бөлүшкөн:

"Сени менен бул жолго аттанганда башымда эмнелер бар эле, так эсимде жок. Бирок бир билгеним сени ушунчалык катуу сүйгөм. Ооруңа, байлыгыңа, жашыңа да караган эмесмин. "Негизгиси бири-бирибизди сүйөбүз ошол жетиштүү" дечүмүн. Азыр да сүйөм, сыйлайм, урматтайм. Бирок ачууга алдырып, сөгүп, кагып-силккениң көңүлүмдү ушунчалык оорутат. Билем, ачууң басылса келип кечирим сурап, өпкүлөп, көңүлүмдү көтөрүп коёсуң, анан эч нерсе болбогондой жүрө беребиз. Бирок мен унута албай, ичимден кыйнала берем. Айткан сөздөрүңдү эстей берем, сага капалана берем. Бүгүн "баары бир кайра жагалданып келесиң, андан көрө азыр өзүңдү бас" дедим. Ооба, аны айтпашым керек эле. Бирок ошого жеткирдиң. Намысыңа тийдим окшойт, кайра жинденип, өкүрүп-бакырган бойдон "жагалданып", кечирим сурап келбедиң. Билип турам, азыр бир аз кыйналып турган убагыбыз. Баарын түшүнгөнгө аракет кылып, ооруңду жеңилдеткенге, кайгыңды бөлүшүп, оюңду колдогонго бар күчүм менен аракет кылып жатам. Сен да мени түшүнчү. Кыйналып кеттим. Балалуу болгум келет. Сен айтпаганың менен балалуу болушубузду менден да чыдамсыздык менен күтүп жатасың, билип турам. Бирок кеп мында деле эмес, бир күнү Кудайым берет. Эки жарым жыл күткөм, күтө берем, сен эле мага болгон мамилеңди өзгөртүп жибербесең. Коркконум, убакыт өткөн сайын өзгөрүп жатпайбы...

Ыйлаганымды жек көрөсүң. Бир да жолу келип сооротуп, көз жашымды арчыбадың. Ыйлаган учурумда жаныңда болбошумду каалайсың. Же чыгып кетесиң, же чыгып кетүүмдү суранасың. Мунуңа да капамын. Аялзаты ыйлайт экенбиз. Анымды өзгөртө албайм, кечир. Ыйласам жеңилдейм, сага болгон кегим кетет, ата-энемди сагынгандагы бугумду чыгарам. Бүгүн ушунчалык буулугуп турам, сени менен бөлүшө албайм. Сенин дүйнөң башкачадай. Айтып да көргөм. "Койчу, кайдагыны айтпай" деп эле, колуңду шилтеп басып кетесиң. Мен күткөн, мен билип, мен бирге турмуш жолуна аттанган адам башка болсо керек эле. Же сенин чыныгы жүзүңдү эми билип жатам, же мен куру кыялдар менен сени идеалдуу кылып алган окшойм. Кантсе да сени сыйлайм. Сүйүү тууралуу кеп козгой албайм. Өзүң айткандай сүйүү болбогон нерсе экен. Жөн гана көнүп калуу жана сый урмат. Макул ушунуңа да ыраазымын. Болгону көңүлүмдү көп оорутпачы. Чыдайм, билесиң чыдамдуумун. Болгону сыйлап, сен үчүн, келечегибиз үчүн, жыртык бут кийим кийсем да чыдап, күрөшүп келе жатканымды баала, бил, баркта".

Ой-пикирлериңиз менен бөлүшкүңүз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

17:40 20-09-2017

Жазылуу

РУБРИКАДАГЫ СОҢКУ КАБАРЛАР

00:27 2025-07-15 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 5134 0

00:26 2025-07-15 | Түркүн дүйнө

Ташкентте машинасына тирүү балыктар менен "тюнинг" жасаган айдоочу айыпка жыгылды (видео) 842 0

00:11 2025-07-15 | Түркүн дүйнө

"Реал Мадриддин" жылдызы карьерасын италиялык клубда улантат 416 0

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 711 0

23:51 2025-07-14 | Коом жана турмуш

15-июлга карата аба ырайы 299 0

23:41 2025-07-14 | Түркүн дүйнө

Тбилисиде 5 кабаттуу турак үй урап түштү 511 0

Архив

Комментарийлер (10)

Batma08

2017-09-20 17:48:09

Турмуш деп койот муну. Сабыр серсин силерге

Hadyja

2017-09-20 17:55:34

Айтыш керек:мени эркелетип суйбой да кой,анан урушуп да мээмди жебе деп.Кулак-мээ тынч.
Суйсо,милдет кылбай суйсун.Катуу уруш,жаман создорду айта турган болсо,жылуу соз да айтпасын.
Ошондо жакшы-жаманы жок,сый болуп журо бересинер.
Байкайм,коп эркелетпеген адам,башты да коп оорутпайт.Ошондой болгон жакшыраак
Аялзатынын конулу бир калса,онойу мн жанданбайт.Бул чындык

engel

2017-09-20 18:05:26

Кагып силккени конулу оорутат да чын эле.

friendwipkg

2017-09-20 18:32:39

Сабыр кыла албагандар милдет кыла алышпайт.

aibars

2017-09-20 18:38:45

Буйруса балалуу болосунар, биздин кошунабыз 15 жыл кутушкон бири бирин суйгон учун кол узушкон эмес чыдашкан, Аллах Таала суйкумдуу капкарашка кыз белек кылды. Турмушту которуш керек.
Атам апам неберелуу болуп калышса деле, апам кееде атамды жинди деп коет, атам болсо ошол жиндилигимден сени алып алганыма суйунсон деп кулуп коет. Баары алдыда эки жыл деген бул турмушунардын таза барагынын биринчиси дагы эмес. Сабыр Жана сабыр.

Aidana94

2017-09-20 18:48:54

Бул менин жашоом го бардык жери окшош так ушундай.

lady_91

2017-09-20 20:44:07

Жыртык бут кийим кийгенибизге чейин окшош экенбиз,бирок меники жагалданып ооп жытташты да ббейт, Аллага шугур чырактай балдарыбыз бар бирок итке окшоп тууп салдын дегеничи((((

arzygulR

2017-09-21 03:08:53

lady_91,тообо ошентип да суйлойбу башка нерсе айтпайбы

Batma08

2017-09-20 21:16:49

Тооба

-1

arzygulR

2017-09-21 03:09:52

Баари бир жашоодо коп нерсе эркектен зависит этетошон учун эркекги кообурок суйуш керек

-1

Комментарий калтыруу үчүн өз ысымыңыз менен кириңиз же каттоодон өтүңүз.