Ошто социалдык колдоого муктаж 800 окуучуга мектеп лагери уюштурулат

Ош шаардык мэриясы менен Шаардык билим берүү башкармалыгы биргеликте жакыр жашаган үй-бүлөлөрдүн балдары үчүн жайкы мектеп лагерин уюштурат. Лагерде ошондой эле Улуу Ата Мекендик согуштун жана Ооган согушунун ардагерлеринин балдары да эс ала алышат.

"Лагерде аз камсыз болгон үй-бүлөлөрдүн 2-класстан 7-класска чейинки окуучулары эс алышат",- дейт Шаардык билим берүү башкармалыгынын кызматкери Салтанат Жудошева.

Айтымында, анда окуучулар үчүн ар кандай ийримдер, спорттук мелдештер, маданий иш-чаралар жана Ош шаарына экскурсияга чыгуу уюштурулмакчы.

Автор: Автандил Добулбеков