"Playboy" журналынын негиздөөчүсү Хью Хефнер өзүнөн 60 жаш кичүү аялына байлык калтырган эмес

Америкалык белгилүү "Playboy" журналынын негиздөөчүсү Хью Хефнер 30 жаштагы аялы Кристал Харриске мурас калтырган эмес. Коомчулук, жакындары Хефнердин өлүмүнө кайгырып турганда жалпыга маалымдоо каражаттары анын миллиондогон байлыгы кимге каларын аныктай баштаган.

Хефнер Кристал менен никесин мыйзамдаштыруу алдында эле ушундай чечим кабыл алган. Кристал үлпөт күнүнө бир күн калганда Хефнер даярдаткан нике келишимине кол койгон. Анда күйөөсү өлгөндөн кийин Кристал Харриске эч кандай байлык калбай тургандыгы жазылган.

Чет элдик маалымат булактары жазгандай, Хефнердин 43 миллион доллар байлыгы анын мурдагы жубайлары төрөгөн 4 баласына бөлүнөт. Мындан тышкары каражаттын бир бөлүгү Түштүк Калифорния университетине жана медиамагнат көп жылдардан бери жардам берип келе жаткан кайрымдуулук уюмуна которулат.

Эске салсак, Хью Хефнер менен Кристал Харрис 2011-жылы үйлөнүүнү убадалашып, бирок үлпөт кечеге саналуу күндөр калганда колуктусу качып кеткен. Харрис Кристал жоопкерчиликтен жана анын улгайган жашынан коркуп ушундай кадамга барды деп билдирүү тараткан. Анткени экөөнүн курагындагы айырмачылык 60 жаш.

Бирок бир жыл өткөндөн кийин жубайлар кайрадан той күнүн белгилеп, баш кошушкан. Андан кийин Кристал экөөнүн ортосундагы жаш айырмачылык мааниге ээ эмес экендигин айткан.

Алгачкы саны мындан 64 жыл мурун чыккан "Playboy" журналынын негиздөөчүсү Хью Хефнер кечээ, 28-сентябрда 92 жашында дүйнө салды.

Автор: Кызжибек Раимова

10:02 29-09-2017

Жазылуу

РУБРИКАДАГЫ СОҢКУ КАБАРЛАР

00:27 2025-07-15 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 5134 0

00:26 2025-07-15 | Түркүн дүйнө

Ташкентте машинасына тирүү балыктар менен "тюнинг" жасаган айдоочу айыпка жыгылды (видео) 842 0

00:11 2025-07-15 | Түркүн дүйнө

"Реал Мадриддин" жылдызы карьерасын италиялык клубда улантат 416 0

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 711 0

23:51 2025-07-14 | Коом жана турмуш

15-июлга карата аба ырайы 299 0

23:41 2025-07-14 | Түркүн дүйнө

Тбилисиде 5 кабаттуу турак үй урап түштү 511 0

Архив

Комментарийлер (5)

Batma08

2017-09-29 10:31:56

Кудай аай 60жаш

madina.87

2017-09-29 10:39:25

86 жашында ЗАГСка чыкканын карагыла
Биздин чон аталар дурустап тамак жей албай тиши тушкон кез болотго.
Келиндердин козун карап...

Жаткан жери жайлуу болсун

+10

Uzakova.Z.A

2017-09-29 10:46:33

Жайлаптыр го

Pandora

2017-09-29 11:12:23

5жыл картанбай менен жыргап жашаптирда озунчо эми мындан ары не кылат экен.Жакшы кылыптыр эч нерсе калтырбай.

ZAMAN007

2017-09-29 15:30:26

Эми кутулдум ураа!десе эч нерсе жок.Отургандыр башын ташка уруп,азыркы аксакалдар "апасный".

Комментарий калтыруу үчүн өз ысымыңыз менен кириңиз же каттоодон өтүңүз.