Эмгек, миграция жана жаштар министри Алиясбек Алымкулов 2012-жылы 627679 сом айлык алган

Тапшырган декларациясына таянсак, Эмгек, миграция жана жаштар министри Алиясбек Алымкулов 2012-жылы негизги иш ордунан 627 679 сом айлык алган. Ал эми министрдин жакын туугандарынын бир жылдык тапкан кирешеси 650 миң сом деп көрсөтүлгөн. А.Алымкулов декларацияда башка кыймылсыз, кыймылдуу мүлктөрү тууралуу эч нерсе көрсөткөн эмес.

Айта кетсек, бүгүн, 28-майда Мамлекеттик кадр кызматы бир катар мамлекеттик кызматкерлердин жылдык кирешеси жана мүлкү тууралуу тапшырган декларацияларын жарыялады.

Автор: Автандил Добулбеков