Бишкекте дин, сөз эркиндиги, шайлоо деген аталыштагы жыйын өтүүдө

Бүгүн, 4-октябрда Бишкек шаарында дин, сөз эркиндиги, шайлоо деген аталыштагы жыйын өтүүдө.

Иш-чаранын өтүшүн Сөз эркиндигин коргоо комитети уюштурган. Жыйынга Жогорку Кеңештин мурдагы депутаты Равшан Жээнбеков, Ысык-Көл облусунун мурдагы ыйгарым укуктуу өкүлү Эмилбек Каптагаев, экс-министр Ишенгүл Болжурова, Дин иштери боюнча мамлекеттик комиссиянын мурдагы башчысы Орозбек Молдалиев, активисттер Адил Турдукулов жана Тимур Саралаев катышууда.

Жыйындын жүрүшүндө дин, шайлоо, сөз эркиндиги тууралуу талкууланууда. Диний кызматкерлер Конституциянын негизинде саясатка аралашканга болбостугу, шайлоо алдындагы үгүт иштерине да катыша албастыгы айтылды.

Автор: Жылдыз Джускембаева
Фото: Жылдыз Джускембаева