Укук коргоочу Оштогу университетте тыюуга карабай кошумча тизме боюнча арыз кабыл алынып жатканын айтты

Укук коргоочу Динара Ошурахунова кошумча тизме боюнча арыз кабыл алуу токтотулганы менен Ош мамлекеттик университетинде учурда кабыл алынып жатканын айтты. Бул тууралуу ал бүгүн, 6-октябрда тегерек столдо билдирди.

Бул суроого Мамлекеттик каттоо кызматынын төрагасы Дастан Догоев кошумча участкалар Ош шаарында ачылбаганын айтып, Бишкек шаарында гана ачылганын эскертти. Догоевдин айтымында, Бишкекте 33 участка ачылып, 29-сентябрда арыз кабыл алуу токтотулган.

Учурда БШК, Мамлекеттик каттоо кызматы маалыматтык шайлоо системинин колдонулушу тууралуу тегерек стол өтүүдө.

Автор: Жылдыз Джускембаева
Фото: Жылдыз Джускембаева