Тайырбек Сарпашев: "Кыргызстандын башка облустары учурда тынч"

Бүгүн, 31-майда вице-премьер-министр Тайырбек Сарпашев КСДП фракциясынын жыйынында Кыргызстандын башка облустары учурда тынч экендигин билдирди. Айтымында, Жалал-Абад облусунда гана 30га жакын киши чогулган. “Жалал-Абадда ушул иштен пайдаланууну каалагандар болду. Бирок андан майнап чыкпайт”,- деди Сарпашев. Ошондой эле жергиликтүү уюштуруучулардын аттары белгилүү экендигин билдирди. “7 жаранга эскертүү берилген. Бирок иликтөө укук коргоо органдары тарабынан жүргүзүлүп жатат. Алар мыйзам алдында жооп беришет”,- деди ал.

Автор: Ширин Жумадилова