Кыргыз өлкөсүндө алгачкы жолу укалоочулардын эл аралык чемпиондугу өтөт

Кыргыз өлкөсүндө алгачкы жолу укалоочулардын эл аралык чемпиондугу өтөт. Бул тууралуу "Амадеус" укалоочулардын академиясынын жетекчиси Елена Беляева билдирди.

Маалыматка ылайык, эртең, 23-мартта Бишкек шаарындагы "Достук" мейманканасында укалоочулардын алгачкы чемпиондугу өтөт.

Белгилүү болгондой, укалоочулардын эл аралык чемпиондугу Орусия, Украина, Беларусь, Молдова, Казакстан, Болгария, Италия өлкөлөрүндө өткөрүлүп келет.

"Бул иш-чараны өткөрүүнүн негизги максаты Кыргыз өлкөсүндөгү укалоочулардын профессионалдык деңгээлин жогорулатуу болуп эсептелет. Өлкөбүздө мындай чемпиондукту өткөрүү биздин укалоочуларга чет элдик укалоочу адистер менен мамиле түзүүгө өбөлгө болот", - дейт Беляева.

Ошондой эле эң алгачкы ирет өтүп жаткан чемпиондукка Орусия, Украина, Прибалтика өлкөлөрү жана Казакстандан катышуучулар келерин белгилеп өттү.

Автор: Айзада Тураркулова