ЭЛДИК КАБАР: Окурман: "Кызыл-Кыядагы базарда "санэпидемстанцияданмын" дегендер товарды текшербейт, 50 сом алып, квитанция берет. Бул туурабы?"

"Баткендин Кызыл-Кыя шаарындагы базарга "санэпидемстанцияданмын" деп бир аял келип, түшүмүн сатып отурган дыйкандардан 50 сом алат да, текшерүүдөн өттү деген квитанция берет", - деди Дилфуза М. аттуу окурман "Элдик кабарга" WhatsApp аркылуу жөнөткөн билдирүүсүндө.

Анын айтымында, дыйкандардын кээ бири бул акчаны берсе, кээ бири анын мындай ыкма менен акча топтогонуна нааразычылыгын билдиришет.

"Негизи санэпидемстанциядан квитанция бериш үчүн товар текшерүүдөн өтүшү керек да, а булар ижараны топтогон сыяктуу эле ар бир адамдан 50 сомдон ала берет. Көзөмөлдөөчү органдар барбы же бул туура көрүнүшпү?" - деп суроо салды окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Кызжибек Раимова