52 милиция кызматкери Кыргыз-Тажик чек арасында чыр чыккан айылдарды күнү-түнү кайтарып чыгат

52 милиция кызматкери Кыргыз-Тажик чек арасында чыр чыккан айылдарды күнү-түнү кайтарып чыгат. Мындай маалыматты SUPER.KG'ге 18-мартта Баткен облустук милициясынын басма сөз кызматынын өкүлү Кайратбек Мамуров кабарлады.

Маалым болгондой, чек арада кырдаалды жөнгө салуу боюнча кол коюлган протоколдун негизинде түшүндүрүү иштерин жүргүзүү жана элдин коопсуздугун камсыз кылуу үчүн унаа жана жөө патруль уюштурулду.

"Патрулда Баткен ОИИБи менен Согди ОИИБинин жалпы 52 кызматкери бар. Анын 16сы 4 унаа менен жүрсө, калганы жөө жүрөт. Алар Баткен районундагы Орто-Боз, Таш-Тумшук, Көк-Терек, Ак-Сай, Көк-Таш жана Тажикстандын Исфара районунун Ходжо-Аьло, Майский, Ворух айылдары менен чектешкен жерлерде болуп, күнү-түнү элге түшүндүрүү иштерин жүргүзөт жана коопсуздукту камсыз кылат", - деди Мамуров.

13-мартта Көк-Таш-Ак-Сай-Тамдык унаа жолунун курулушуна каршы болгон Тажикстандын жарандары менен Кыргыз жарандарынын ортосунда чыр чыккан. Буга байланыштуу Баткен-Лейлек жана Исфара-Ворух жолу жабылган. 14-март күнү түштөн кийин абал кайрадан күч алып, чогулган элди таратуу үчүн асманга ок атылган. Атылган октон Тажикстандын 2 жараны каза болуп, 20дай жараны жаракат алганы айтылса, 3 Кыргыз жараны жаракат алып ооруканага жаткырылган.

18-мартта эки өлкөнүн бийлик өкүлдөрүнүн ортосундагы сүйлөшүүлөр аягына чыкты. Жыйынтыгында вице-премьер-министр Жеңиш Разаков менен Тажикстандын премьер-министринин орун басары Азим Иброхим кырдаалды жөнгө салуу боюнча протоколго кол коюшту. Протоколго ылайык, Көк-Таш-Ак-Сай-Тамдык жолунун курулуш иштерин улантууга макулдашышты. Андан кийин Баткен-Лейлек, Исфара-Ворух жолу ачылды.

Автор: Жамалидин Парманкулов

00:06 19-03-2019

Жазылуу

Тектеш кабарлар:

Дээрлик улуу курактагылар. Тажикстан барымтага алган 10 Кыргыз жараны кайтарылды (сүрөт)

Спикер Кыргыз-Тажик чек арасында болгон окуя боюнча маалыматты бүгүн саат 14:00дө угууну сунуштады

Камчыбек Ташиев: "Мен Баткенге жөнөп жатам, бийликтегилер мурдагыларга окшоп эле эч нерсе чече алышпайт"

Ак-Сай айлынын тургуну: "Чек арада чыр чыккандан кийин ар кимибиз ар жерде жашап жатабыз"

Кыргыз-Тажик чек арасындагы кагылыштан улам Максат айылынын 750 жашоочусу үй-жайын таштап кетишкен

Камчыбек Ташиев: "Тажикстанга зыянды төлөп бергиле деп кайрылбайбыз, алар күнөөсүн моюнга алышын күтөбүз "

Тажикстан чек ара чырында бир жараны каза болгонун маалымдады

"Жүрөк сыздайт". Чек ара чырында үйү күйгөн Барака апанын арманы (маек, видео)

Депутат вице-премьер Жеңиш Разаковго: "Сизди кошуна мамлекеттин агенти деп жазып жатышат"

"Тажик тараптын курулуш ишин токтотуу мамлекеттик деңгээлде гана чечилет" дейт бүгүнкү абалды айткан Лейлек районунун акими

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (7)

esenbek81

2019-03-19 03:08:45

Жакшы эми иштейт экен да милиция кызматкерлери Кыргызстандын бардык жеринде ушундай кылыш керек милиция күнү түнү иштеш керек айылдарда дагы

-1

aliya-leyla

2019-03-19 10:41:57

esenbek81,мындай болбосо деле милициянын иши коп. Же майрам куну дем алыш жок. Дем алуу кундору болсо тынч болсо экен деп турушат. Жумасына бир кун дем алыш да зорго беришет. Анан айлыгы 40саатка карата берилет

Altyn2017

2019-03-19 05:18:15

биздикилер дагы утулду ворухка эмнеге коридор бердинер

KG.Kushtarbek

2019-03-19 07:46:30

Бизде спецназдар болчуу еле 1жыл жургонго

Flowhive

2019-03-19 09:40:23

Элге эмне деп түшүндүрөт тажиктер келсе качкыла дейби,же кандай ушуну аябай билгим келди эле

Erik2018

2019-03-19 10:55:25

Эми коопсуздук чарасын алдын алган жакшыда. Тажиктер басып келет деп эч ким кепилдик бере албайт да туурабы.

Gulnyr19

2019-03-19 14:33:03

Ичип өзүңөр мас болуп албагыла анан көбүнчө ошондойго

Комментарий калтыруу үчүн өз ысымыңыз менен кириңиз же каттоодон өтүңүз.