Камчыбек Ташиев: "Чек ара тууралуу тажик бийлиги таратып жаткан маалымат чын болсо Кыргыз өлкөсү 100 пайыз утулду"

Тажик бийлиги таратып жаткан маалымат чын болсо Кыргыз өлкөсү 100 пайыз утулду. Мындай пикирин экс-депутат Камчыбек Ташиев бүгүн, 19-мартта өткөн маалымат жыйынында билдирди.

Анын айтымында, кыргыз тарап жашырып жаткан маалыматтарды тажик бийлиги ачык таратып жатат.

"Чек арадагы чыр боюнча эки тараптын сүйлөшүүлөрүнүн жыйынтыгын Тажикстан бийлиги толугу менен ачыктады. Тажик басылмалары кандай сүйлөшүүлөр болгонун, кандай чечимдер кабыл алынганын ачык-айрым жазып жатышат. Ал эми биздин коомчулукка андай маалыматтар жете элек. Коңшу мамлекет таратып жаткан маалыматтарга таянсак, кыргыз тарап үчүн пайдасы жок, тескерисинче зыян алып келе турган чечимдер кабыл алынган.

Мисалы, мен жеке өзүм Тажикстандын вице-премьер министринин маегин көрдүм. Ал "Биз Ак-Сай айылын айланып, Ворухка бара турган автожол салабыз. Жол 2019-жылдын аягына чейин бүтөт" деди. Жолдун статусу кандай? Жол салуу үчүн жерди кыргыз тарап убактылуу бердиби же биротоло өткөрүп бердиби? Өкмөт ушул суроолорго жооп бериши керек. Бул жерде жаап жашыра турган аскердик сыр эмес, бүтүндөй кыргыз элинин кызыкчылыгы чечилип жатат. Демек, баары коомчулук үчүн ачык жана жеткиликтүү болушу керек ", - деди Ташиев.

13-мартта Көк-Таш - Ак-Сай-Тамдык унаа жолунун курулушуна каршы болгон Тажикстандын жарандары менен Кыргыз жарандарынын ортосунда чыр чыккан. Буга байланыштуу Баткен-Лейлек жана Исфара-Ворух жолу жабылган. 14-март күнү түштөн кийин абал кайрадан күч алып, чогулган элди таратуу үчүн асманга ок атылган. Атылган октон Тажикстандын 2 жараны каза болуп, 20дай жараны жаракат алганы айтылса, 3 Кыргыз жараны жаракат алып ооруканага жаткырылган.

18-мартта эки өлкөнүн бийлик өкүлдөрүнүн ортосундагы сүйлөшүүлөр аягына чыкты. Жыйынтыгында вице-премьер-министр Жеңиш Разаков менен Тажикстандын премьер-министринин орун басары Азим Иброхим кырдаалды жөнгө салуу боюнча протоколго кол коюшту. Протоколго ылайык, Көк-Таш - Ак-Сай-Тамдык жолунун курулуш иштерин улантууга макулдашышты. Андан кийин Баткен-Лейлек, Исфара-Ворух жолу ачылды.

14-мартта Камчыбек Ташиев социалдык тармактагы баракчасына азыркы бийлик эч нерсе чече албай тургандыгын айтып, Баткенге жөнөп жаткандыгын жазган.

Автор: Бекболот Сарыбаев
Фото: Бекболот Сарыбаев

16:42 19-03-2019

Жазылуу

Тектеш кабарлар:

Өкмөт: "Кыргыз жана Тажикстандын вице-премьерлери чек арадагы жаңжал боюнча сүйлөшүүлөрдү жүргүзүштү"

ИИМ: "Тажик тараптын миномёттон чыгарган огунан 25тен ашык адам массалык түрдө курман болгон"

Кыргыз-Тажик чек арасында топтолгон эл тарай элек

Жогорку Кеңештин комитетинде Кыргыз-Тажик чек арасы боюнча маселе каралат

Жогорку Кеңештин 4 депутаты Бишкектен Лейлекке учушат

Мамат Айбалаев: "Чек ара чырынын башында контрабанда, наркотрафиктин башчылары турат"

Бишкек ШИИББи: "Чек арадагы абал боюнча нааразычылык акциясы учурунда кармалгандарга жеринен профилактикалык маектер жүргүзүлгөн"

Мухаммедкалый Абылгазиев Баткен облусундагы чек ара окуясынын кесепетинен жабыркагандардан кабар алды

Баткенде талкаланган милициянын имараттарын калыбына келтирүү үчүн кызматкерлер бир күндүк эмгек акысын которду

Кыргыз-Тажик чек арасында жаракат алгандардын 10у Бишкекке жөнөтүлдү

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (17)

Jan-tumarym2017

2019-03-19 17:17:51

Кимге ишенсе болот??? Андай жол берилген жок. Ак-Сайдын ичи менен отушот дештиго???

+10

Valley.of.the.Wolves

2019-03-19 17:37:20

Аа биз оз жерибизде салып жаткан жол адамдар отуучу жол эмес мал айдап отуучу гана жол болот деген статус алышып макулдашыптыр..

Valley.of.the.Wolves

2019-03-19 17:38:40

Тажиктердин СМИлеринле жазган

Skarlett-Skarlett

2019-03-19 17:57:59

Саткындарга олум!

+22

PROS

2019-03-19 19:10:22

Азыркы абалыбызда кыргыздын шоруна бүткөн касамкорлорду эч бир мамлекет теңине албайт!!! Соке сенин 1 шансың бар. Айбалаевди тийиштүү кызматка коюп чекара маселесин ошол киши аркылуу чечсеңер утук силердики. Анан азыркы дүмбүл чиновниктер менен чечем десең анда жаңылышасың!!!!

+12

Azat.97

2019-03-19 19:36:34

Соке кетсин!

karona12

2019-03-19 21:37:53

Анда уруш токтобоптур жон элеубактылуу каникул болгон турбайбы.

nur_zhoni

2019-03-19 22:19:26

Моомбеков жанар акаев садыр жапаров сыяктуу элим жерим деген депутаттар келсе жакшы болот эле бийлике

Firdaus-Muslim

2019-03-19 22:49:12

Бул бийликтегилер ишти кыйратпай калдыго менимче, Неге маселени чечишпейт. Жең ичинен сүйлөшүп сатып жиберишпесин, ишенич жок буларга.

Nurik1988

2019-03-19 23:00:56

###, дагы деле кыргызстандын пайдасына чечилбептирда

Povetkin

2019-03-20 02:17:10

Келесоолор ата бабанын арбагы урсун ушу арамдарды.....

Pchelka85

2019-03-20 05:03:01

Ой бул Ташиев кыйратып салам мен Баткенге баратам деп кетип атты эле го. Бийликтин колунан келбейт мен чечип келем деп. Кана результат. Кыйкырык кыйкырык менен калып эми жумурткадан кыр издемей башталды.. уялса боло кичине.

ruslanz

2019-03-20 08:32:59

Камчыбек мырза анан эмне согуш жарыялаш керек беле,барып келээрки шайлоого упай топтоп келейин дединиз эле болбой калдыбы?

Pamirlan

2019-03-20 13:39:53

Элди келечекти ойлогулаа, ХХХХ акча берсе ХХХХ деле сатасынар бийликтегилер

admin_portal

2019-03-20 14:25:27

Pamirlan, коомдук этиканы сактаңыз. Эскертүү!

senchi

2019-03-20 16:32:59

Жолдун курулушун ким тараптан приказ берилген ошол адам сурак берсин,кылмышка ошол адам күнөөлү тактап анан башташ керек эле. Ошол жердеги кыргыз жана тажик жарандарына түшүндүрүү ишин жүргүзүп анан башташ керек эле.

Комментарий калтыруу үчүн өз ысымыңыз менен кириңиз же каттоодон өтүңүз.