Латын арибине өтүү керекпи же кириллицада калуу керекпи? Жээнбеков башкы тилчиге өз пикирин айтты

"Бүгүнкү күндө латын арибине өтүүнүн кажети жок". Бул тууралуу президент Сооронбай Жээнбеков Мамлекеттик тил боюнча улуттук комиссиянын төрагасы Назаркул Ишекеевди кабыл алып жатып билдирди.

Мамлекет башчынын маалымат кызматынын билдиргени боюнча жолугушуу бүгүн, 16-сентябрь күнү "Кыргыз Республикасынын мамлекеттик тили жөнүндө" мыйзамдын кабыл алынгандыгынын 30 жылдыгына карата өттү. Президент Сооронбай Жээнбеков өлкөнүн күнүмдүк турмушундагы мамлекеттик тилдин өзгөчө ордун белгилеп, тил саясаты мамлекеттик саясаттын актуалдуу жана маанилүү багыты экенин баса белгиледи.

Андан ары ал акыркы мезгилде коомчулукта талкууланып жаткан латын арибине өтүү маселеси боюнча пикирин билдирди. Президент латын арибине өтүүнүн кажети жок экенин айтты. "Биздин маданий, илимий потенциал кириллицага негизделген шартта калыптанып, ийгиликтерди жаратты. Биз ашыкча талкууга убакыт коротпой, колдогу мүмкүнчүлүктөрүбүз менен максаттарыбызды ишке ашырып, өнүгө беришибиз керек", - деди Жээнбеков.

Өткөн аптада Каныбек Исаковдун билим берүү жана илим министри кызматына талапкерлиги Жогорку Кеңешке каралып жаткан учурда ал латын арибине өтүүнү колдой турганын билдирген эле. Анын мындай билдирүүсү коомчулуктун талкуусуна жем таштаган. SUPER.KG порталы буга байланыштуу "Латын арибине өтүү Кыргыз өлкөсү үчүн келечекте кандай артыкчылыктарды берет?" деген собол да салган. Ал эми шаар тургундарынын катышуусунда жүргүзүлгөн сурамжылоону бул шилтемеден көрө аласыз.

Автор: Бактыгүл Султаналиева

18:41 16-09-2019

Жазылуу

РУБРИКАДАГЫ СОҢКУ КАБАРЛАР

22:06 2025-07-22 | Коом жана турмуш

Садыр Жапаров Монголиянын президенти менен бирге "Мейкин Азия" музыкалык фестивалын көрүүдө 3 0

21:42 2025-07-22 | Коом жана турмуш

"Ушуга макулсуңбу?" Ташиев Масы айыл өкмөтүнүн башчысынан аны текшертүүгө уруксат алды (видео) 255 0

21:24 2025-07-22 | Кылмыштар, кырсыктар

Сокулукта жер тилкелерин мыйзамсыз сатууга шектелип 34 жаштагы киши кармалды 204 0

21:03 2025-07-22 | Коом жана турмуш

"Ким уруксат берген?" Ташиевди Ноокенге барганда акимдин жоктугу ачууландырды (видео) 852 0

20:18 2025-07-22 | Коом жана турмуш

"Кадрларды өзүңөр тандагыла". Ташиев депутат Айбек Алтынбеков тууралуу маалыматтар бар экенин айтты (видео) 1005 0

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 596 0

Архив

Комментарийлер (13)

souza.j

2019-09-16 19:12:05

Отуу керек. кириллицаны пайдаланган олколор аз. Жаштардын келечеги учун. Коом бат эле конуп кетмек.

-21

Dembele84

2019-09-16 22:39:47

souza.j,Карыздар толуп ещё андан чон проблемалар толуп жатканда андайга отушту Ким коюптур?

Dalil

2019-09-16 19:21:31

Туура андан башка иштер толтура. Кытай корейлер өз арибинде эле жазып жатышпайбы латынга өтөлү дебей. Өлкөнү эле өнүктүрүп алдыңкы мамлекеттин катарына кирсе башка элдер керек болсо кирилицаны үйрөнүшөт, азыркы кытай иероглифин үйрөнгөндөй.

+10

Aizhtsoy

2019-09-16 19:39:27

Латынга откону каршымын. Озбекстан азыркы убакытка чн окуудан кыйналып келет деп окугам. Демек бизде да коп кыйынчылыктарды жаратат

elchi84

2019-09-16 19:41:46

Чек араны чеч

+16

Samatalibei

2019-09-16 20:24:17

Чек арага отуу керек! Коруу керек чечуу керек! Башкасын кереги жок азыр!

datkaaiym

2019-09-16 21:13:10

Президентибиз туура айтат.анан да ага канча акча кетет.китепти эле элестеткиле озгортуу учун.кирилица менен турган китепти туура эмес жазып жатат.анан элестетуу кыйын латын арибине отуп жатканыбызды

Rusi79

2019-09-16 21:18:02

Чек араны чечкиле,кытайдан карызды кутулгула жана башка чон чон проблемаларды чечкиле элдин конулун башкага бурбай.Кытайдан кутулбасак латын эмес кытай тамгасына отуп калбайлы.

katerina.li

2019-09-16 21:43:48

Латынга отсок эле жыргайбыз дегендер тоок мээ экенсинер

KUMKA

2019-09-16 22:23:45

Жок эле нерсени, тушунуп тушунбой эле саясатка айлантканды адат кылып алдык.Ал киши министрликке талапкер кезинде оз оюн жаран катары гвна айтты.Эгер мамлеккттин даремети жетсе ойлонуп корсо болот деди.Кээ бир кучтор бар ушул дерден саясат жасап КР менен РФнын ортосуна от жаккысы келет.Саясатка айлантпайлы, отсок эле жыргап кетет дегенге эч кепилдик жок.

Dembele84

2019-09-16 22:44:53

Ушул теманы которгон депутаттарды атыш керек,ага канча миллиондогон акча кетишин ойлоду бекен ал пок курсактар?Чек арада талаш тартыш тополон болуп атса,латын алфавити и Рыспаев деген бироосу бизди баран деди деген теманы которуп журот.Проблеманы чеч эшектер!!!

suban78

2019-09-16 23:16:27

Кыларга иши жок бир кок мээ ойлоп тапты да. Озунчо реформа жургуздум деп мактанат да тормоз.

Adi010891

2019-09-17 00:57:03

Латын арибин коюп, чек араны чечишпейби. Ок атышу болуп атса, жомок айтып отурушат

Комментарий калтыруу үчүн өз ысымыңыз менен кириңиз же каттоодон өтүңүз.