Сооронбай Жээнбеков: "Элет жеринде терең билим алууга жол ачылат"

Бишкекте өтүп жаткан IT тармагына тиешелүү конференцияда президент Сооронбой Жээнбеков сөз сүйлөп, өлкөнү санариптештирүүгө салым кошуп жаткандарга ыраазычылык билдирди. Мындан сырткары, ал келген конокторго дагы рахмат айтып, аларды санарип тармагындагы тажрыйбалары менен бөлүшүүгө чакырды.

"Азыркы учурда санарип технологиялары дүйнө экономикасын өзгөртүп, бардык өлкөлөр үчүн глобалдык процесстерге кеңири катышуу мүмкүндүгүн жаратты. Жаңы мүмкүнчүлүктү пайдалануу үчүн мамлекеттик башкарууда, ишкерликте жана коомдо жаңылыктарды кабыл алууда даяр чөйрөнү түзүү керек. Өзгөрүүлөрдөн качпай, жаңыланууну ыкчам кабыл алып, ишке тездетип киргизген өлкөлөр гана ийгиликке жетип жатышат", - деди Жээнбеков иш-чаранын жүрүшүндө.

Мындан сырткары, ал эки стратегиялык багытка өзгөчө көңүл бурула турганын кошумчалап өттү.

Алардын биринчиси, адамдардын жашаган жери шаар же айыл экенине карабай сапаттуу медициналык тейлөө менен камсыз кылуу, ал үчүн жаңы санариптик технологияларды дагы тереңдеп киргизүү.

Экинчиси, билимдин сапатын жогорулатуу. Анын ичинде элет жеринде терең билим алуу мүмкүнчүлүгүн жаратуу.

Санариптештирүү жылына карата өтүп жаткан иш-чарага дүйнөнүн 40 өлкөсүнөн келген адистер катышууда.

Автор: Гүлшат Ысамамат кызы
Фото: Гүлшат Ысамамат кызы

10:51 04-10-2019

Жазылуу

РУБРИКАДАГЫ СОҢКУ КАБАРЛАР

17:55 2025-07-23 | Кылмыштар, кырсыктар

Беш-Күнгөйдө мас абалында милициянын формасын айрып, телефонун талкалаган жигит камакка алынды 77 0

17:38 2025-07-23 | Түркүн дүйнө

Сирия Түркиядан террористтер менен күрөшүүдө жардам сурады 163 0

17:33 2025-07-23 | Коом жана турмуш

Камчыбек Ташиев Жалал-Абадда бир катар курулуштарды кыдырды 199 0

17:27 2025-07-23 | Түркүн дүйнө

Түрк аскерлери Сириянын президентин үч жолу өлүмдөн сактап калган 292 0

17:00 2025-07-23 | Коом жана турмуш

Императорлордун изи калган байыркы Римге саякат (блог) 194 0

16:59 2025-07-23 | Түркүн дүйнө

Трамп Филиппиндин президенти менен жолугушуудан кийин аны катаал сүйлөшүүчү деп атады 296 0

Архив

Комментарийлер (4)

Bektur2011

2019-10-04 10:56:46

Жээнбеков туура жолдо баратат. Акырындык менен, унчукпай баарын ордуна коюп, мамлекетти туура жолго салып койду. Эми коррупционерлердин колуна дал ушул электрондук башкаруулар чабат! Ийгилик ажобузга, колдош керек!

-3

altyn-kumush

2019-10-04 10:59:00

Коопсуз шаардын аты атап тургандай эле ал элдин коопсуздугу үчүн колдонулуп жаткан программа. Андан коррупциялык иш издөөнүн кереги жок. Анткени айып акчалар физикалык жактарга эмес түздөн-түз мамлекеттик органдарга түшөт.Коопсуз шаардын аты атап тургандай эле ал элдин коопсуздугу үчүн колдонулуп жаткан программа. Андан коррупциялык иш издөөнүн кереги жок. Анткени айып акчалар физикалык жактарга эмес түздөн-түз мамлекеттик органдарга түшөт.

-5

Kattaldym

2019-10-04 11:00:29

Өзгөчө контейнер мектептер жакшы жол ачат.

Absamat-90

2019-10-04 11:11:17

Электрондук башкарууда толомдор терминалдар аркылуу кабылданып, мурункудай уурулардын колуна тушпойт.Экинчиден документация иштери ары чурка бери чурка дегендер азаят.

-2

Комментарий калтыруу үчүн өз ысымыңыз менен кириңиз же каттоодон өтүңүз.