Бишкектин чет жакасындагы "ЗИЛ" тоо-лыжа базасында Орусиянын президенти Владимир Путинге арналып, эстелик орнотулду. Анын жанына ыраазычылык тексти жазылган стела коюлат.
Владимир Путиндин эстелиги тургузулду деген сүрөт интернет колдонуучулар арасында талкууга алынды. Айрым колдонуучулар "эстеликтин арт жагында даараткана бар экен" дешсе, айрымдары "көзү өтө элек кишиге эстелик тургузган туура эмес" дейт. Мындан тышкары, интернет колдонуучулар "эстеликтеги киши Владимир Путин эмес, Путинге окшошпойт" деген пикирлерин калтырышкан.
Ошондой эле аталган базага залкар жазуучу Чыңгыз Айтматовдун жана Владимир Лениндин эстелиги тургузулган.
Орусиянын президенти Владимир Путин бүгүн, 7-октябрда 67 жашка толду.