Сооронбай Жээнбеков Казакстандын биринчи президенти Нурсултан Назарбаев менен жолугушту

Президент Сооронбай Жээнбеков 14-октябрда Баку шаарында Түрк тилдүү мамлекеттердин кызматташуу кеңешинин жетинчи жыйынына катышты. Бул тууралуу президенттик аппараттын басма сөз кызматынан билдирди.

Маалыматка ылайык, ал Казакстандын биринчи президенти Нурсултан Назарбаев менен жолугушту. Жолугушуу Баку шаарына учуп келээри менен Гейдар Алиев атындагы эл аралык аэропортунда өттү. Кыргыз мамлекети менен Казакстандын эки тараптуу кызматташтыгы боюнча пикир алышуу болду.

Сооронбай Жээнбеков Нурсултан Назарбаевдин Түрк Кеңешинин ардактуу төрагасы болуп шайланышы жана Түрк дүйнөсүнүн жогорку ордени менен сыйланышын куттуктады. Орденди тапшыруу 15-октябрда кеңештин жыйынында болот.

Президент Сооронбай Жээнбеков дагы бир жолу Кыргыз мамлекети менен Казакстандын ортосундагы стратегиялык өнөктөштүктү, ынак кошуналык мамилелерди орнотууда жана бекемдөөдө Нурсултан Назарбаевдин жеке салымын белгиледи.

Нурсултан Назарбаев кайрадан жолугушуу мүмкүнчүлүгүнө кубанычта экенин баса белгиледи. Ал мамлекет башчыларынын кызматташууну жана ынак кошуналык мамилелерди тереңдетүүгө багытталган бардык аракеттерин колдой турганын белгиледи.

Жолугушууда эки жана көп тараптуу кызматташтыкты тереңдетүүнүн жана өнөктөштүктүн түрдүү тармактарында биргелешкен долбоорлорду ишке ашырууну күчөтүүнүн маанилүүлүгү белгиленди.

Автор: Жылдыз Джускембаева

07:48 15-10-2019

Жазылуу

РУБРИКАДАГЫ СОҢКУ КАБАРЛАР

10:30 2026-09-27 | Түркүн дүйнө

Казакстанда курман болгон жоокерлер менен коштошуу зыйнаты өттү 119 0

10:17 2026-09-27 | Түркүн дүйнө

Казакстандын коргоо министри кызматынан алынды 219 0

10:08 2026-09-27 | СОТТУК ИШТЕР

MCN Coin каржы пирамидасы: Исрадидин Субанбеков камактан бошотулду 304 0

09:48 2026-09-27 | Түркүн дүйнө

Индияда мас маймылдын жоругу таң калтырды 456 0

06:02 2026-09-27 | Маданият, шоу-бизнес

Анжеликанын кызы Айымага сүйүктүүсү баш кошууга сунуш киргизди 1683 0

18:31 2026-09-26 | Коом жана турмуш

Очоккана, күн батареялары жана боз үйдүн аянты: Караколдо төрт жаңыланган короо ачылды 907 0

Архив

Комментарийлер (4)

Kuyoo_bala

2019-10-15 08:40:03

Бийлик дагы деле колунда экенда,иш жузундо президенттиктен тушпоптурго чиркин

altyn-kumush

2019-10-15 09:04:04

Нурсултан Абишович Казакстандын бүгүнкү деңгээлге жетишине чоң салым кошту анын эмгегин баалап тажрыйбасы менен бөүшүү абдан пайдалуу болоруна шек жок.

Aimani

2019-10-15 12:38:09

Назарбаев президент болбой калганын унутуп калган го. Ал жакта эмне кылып жүрөт

Azyk_tegin

2019-10-15 22:45:38

Атамбаев Нуке менен ушул Сокени президент кылам деп жаман айтышты эле. Эми бул Сокебек Нукенин ###### ###### журот...

Комментарий калтыруу үчүн өз ысымыңыз менен кириңиз же каттоодон өтүңүз.